16:06, 10 - مامىر 2019 | GMT +5
نيۋ-يورك پوليتسەيى ديماش نيازوۆ پروفي-رينگكە ورالدى
نۇر-سۇلتان. قازاقپارات - قازاقستان تۋماسى ديماش نيازوۆ (13-1-3، 6 ك و) 17- مامىر كۇنى كاسىبي رينگتەگى كەزەكتى جەكپە-جەگىن وتكىزەدى، دەپ حابارلايدى Sports.kz.
ول رينگكە ماشاتاكاتتا (كوننەكتيكۋت شتاتى) وتەتىن Foxwoods Resort بوكس كەشىنىڭ اياسىندا شىعادى. ونىڭ قارسىلاسى امەريكالىق ادريان سوسا (10-0، 8 ك و). العاشقى ورتا سالماقتاعى جەكپە-جەك التى راۋندقا ەسەپتەلگەن.
ايتا كەتەيىك، بوكسشى د. نيازوۆ ا ق ش- تا تۇرادى. ول نيۋ-يورك پوليتسياسىنىڭ وفيتسەرى. بۇعان دەيىنگى جەكپە-جەگىن وتكەن جىلدىڭ 28- ساۋىرىندە برۋكليندە وتكىزگەن بولاتىن. ول جولى تورەشىلەردىڭ شەشىمىمەن مەكسيكالىق انحەل ساريناناعا (10-7-2، 4 ك و) جول بەرگەن ەدى.