اشحابادتا ت م د ەلدەرىنىڭ شىعارماشىلىق جانە عىلىمي ينتەلليگەنتسياسىنىڭ فورۋمى وتەدى
فورۋمعا قازاقستان، ارمەنيا، ازەربايجان، بەلارۋس، قىرعىزستان، مولدوۆا، تاجىكستان، وزبەكستان جانە رەسەي ەلدەرىنەن 200 دەن استام دەلەگات كەلەتىنى جوسپارلانعان. سونداي-اق ونىڭ جۇمىسىنا تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ قاتىسۋى كۇتىلەدى.
شارانىڭ تاقىرىبى - «دوستاستىقتىڭ ورتاق گۋمانيتارلىق كەڭىستىگى: مادەنيەت، عىلىم جانە ءبىلىم سالالارىنداعى ديالوگ».
پلەنارلىق وتىرىستار مەن سالالىق سەكسيالاردا عىلىم، ءبىلىم جانە ونەر قايراتكەرلەرى كاسىبي ءوزارا ارەكەتتەستىكتىڭ ءتۇرلى اسپەكتىلەرىن تالقىلايدى. كىتاپ پەن ونى وقۋدى دامىتۋ ت م د- دا كىتاپ جىلىنىڭ وتۋىنە بايلانىستى دەلەگاتتاردىڭ باستى نازارىندا بولادى.
سونداي-اق فورۋم بارىسىندا ت م د- نىڭ «دوستاستىق جۇلدىزى» اتتى باستى مەملەكەتارالىق سىيلىعىمەن لاۋرەاتتاردى ماراپاتتاۋ ءراسىمى وتەدى.
ءىس- شارا ت م د- عا مۇشە ەلدەردىڭ مەملەكەتارالىق گۋمانيتارلىق ىقپالداستىق قورىنىڭ جانە تۇرىكمەنستان مادەنيەت مينيسترلىگىنىڭ قولداۋىمەن وتەدى.
