جالعىزدىق بيزنەس كوزىنە اينالدى
ءتىپتى، ارنايى كوۆوركينگ ورتالىقتارى دا سالىنۋدا. جاستار اراسىندا جالعىزدىق كەڭ تاراپ بارادى. جاستار وتباسىن قۇرۋدى كەيىنگە قالدىرىپ، جۇمىس سوڭىنا ءتۇستى. كوبى ءداستۇرلى كەڭسەدەن تىسقارى جالعىزدىقتا جۇمىس ىستەگەندى دە قۇپ كورە باستادى»، - دەپ جازادى Vox باسىلىمى.
اۆتوردىڭ ايتۋىنشا، سوڭعى ونجىلدىقتا الەۋمەتتىك يزولياتسياعا قارسى ارەكەتتەر بيزنەسكە اينالا باستاعان.
«فريلانسەرلەرگە بىرگە جۇمىس ىستەۋگە مۇمكىندىك بەرەتىن الاڭدار، جاتاقحانالار مەن ادامداردى بايلانىستىرۋعا ارنالعان قوسىمشالار ءىرى بيزنەسكە باستاۋ بولىپ، قۋاتتى ماركەتينگتىك مۇمكىندىككە اينالدى. بۇل سالاعا سالىناتىن ينۆەستيتسيا مەن ينفراقۇرىلىم ارتتى، قىزمەت تۇرلەرى كوبەيدى»، - دەي كەلە اۆتور، «بۇلاردىڭ پايداسى بار ما؟» دەگەن سۇراققا جاۋاپ ىزدەيدى.
ونىڭ پىكىرىنشە، بىرەۋلەر قارجىلاندىراتىن مۇنداي بيزنەس الەۋمەتتىك پروبلەمالاردى ودان سايىن كوبەيتۋى مۇمكىن.
«مۇنداي بيزنەس وكىلدەرى ادامدارعا قوعامدا ءوز ورنىن تاۋىپ، ءبىر-بىرىمەن بايلانىس ورناتۋعا كومەكتەسەتىنىن ايتادى. چيكاگو ۋنيۆەرسيتەتىندە جيىرما جىل بويى جالعىزدىقتى زەرتتەگەن نەيروبيولوگ دجون كاچيوپپونىڭ ايتۋىنشا، جالعىزسىراعان ادامنىڭ ميى الەۋمەتتىك قاۋىپكە دايىن بولادى. سول سەبەپتى كوپ جاعدايدا مۇنداي شارالار كەرى اسەر ەتىپ، اعزانى زاقىمداۋى مۇمكىن»، دەلىنگەن اقپاراتتا.
عالىمداردىڭ ايتۋىنشا، مۇنداي شارالار كەرىسىنشە، ادامنىڭ جاعدايىن ۋشىقتىرىپ جىبەرەدى.
«بوتەن ادامدارمەن تانىسىپ، ورتا قالىپتاستىرۋ جاعدايدى قيىنداتا تۇسەدى. بۇل كومپانيالار قوعام قاجەتتىلىكتەرىن قاناعاتتاندىرۋعا تىرىسادى. دەگەنمەن، بۇل پروبلەمانى باسقا قىرىنان شەشۋ كەرەك. ماركەتينگ پروفەسسورى ي. ۆانگتىڭ سوزىنە سەنسەك، جالعىز جۇمىس ىستەپ ۇيرەنگەن مي «الەۋمەتتىك باقىلاۋدان» قاشادى. ياعني، جالعىزسىراپ جۇرگەن ادامدارعا وسىنداي ۇيىمدار مەن ورتالىقتار اشىپ كومەكتەسۋ قيىن. بۇل تەك بيزنەس كوزىنە اينالعان»، - دەپ جازادى باسىلىم.