گولوۆكيننىڭ جاڭا باپكەرى ونىڭ بوكستان قاشان كەتەتىندىگىنە قاتىستى ايتتى

نۇر-سۇلتان. قازاقپارات - گەننادي گولوۆكيننىڭ باپكەرى دجوناتون بەنكس قازاقستاندىق بوكسشىنىڭ كەلەشەگىنە قاتىستى ءبىرقاتار بولجامدارعا نۇكتە قويدى، دەپ حابارلايدى قازاقپارات Sports.kz سايتىنا سىلتەمە جاساپ.
None
None

«گولوۆكين ورتا سالماق ساناتىندا قالادى. ودان جوعارىلاۋدىڭ قاجەتى جوق - ول ناعىز ورتا سالماق بوكسشىسى. وعان قازىرگى ورنىندا جايلى»، - دەدى ول.

ال GGG- ءدىڭ كاسىپقوي بوكستا قانشا ۋاقىتى قالعانى تۋرالى سۇراققا: «كوزىممەن كورگەنىم بويىنشا ايتار بولسا، ءالى ايتارلىقتاي كوپ ۋاقىت بار. قازىر ول ناعىز بابىندا»، - دەپ جاۋاپ قايىردى.

قازاقستاندىق سپورتشى بۇرىنعى باپكەرى مەكسيكالىق ابەل سانچەسپەن جۇمىسىن توقتاتقانى تۋرالى بۇعان دەيىن حابارلاعان بولاتىنبىز.

ورتا سالماقتاعى بۇرىنعى الەم چەمپيونى گەننادي گولوۆكين (38-1-1، 34 ك و) الداعى 8- ماۋسىمدا نيۋ-يوركتەگى (ا ق ش) Madison Square Garden ارەناسىندا 35 جاستاعى كانادالىق بوكسشى ستيۆ روللسپەن (19-0، 10 ك و) كەزدەسەدى. ول سوڭعى جەكپە-جەگىن 2018-جىلدىڭ 15- قىركۇيەگىندە وتكىزىپ، تورەشىلەردىڭ باسىم شەشىمىمەن مەكسيكالىق ساۋل الۆارەستەن (51-1-2، 34 ك و) جەڭىلىپ قالدى.

روللس سوڭعى رەت 15- جەلتوقساندا رينگكە شىعىپ، تورەشىلەردىڭ شەشىمىمەن امەريكالىق كەاندر لەزەرۆۋدتى (21-6-1، 13 ك و) جەڭگەن ەدى. ول وسى ۋاقىتقا دەيىن بىردە- ءبىر رەت جەڭىلمەگەن. 19 جەكپە-جەكتى 10 رەت نوكاۋتپەن اياقتاعان.

سوڭعى جاڭالىقتار