يران يادرولىق كەلىسىمشارتتىڭ مىندەتتەمەلەرىن ورىنداۋدان باس تارتتى

نۇر-سۇلتان. قازاقپارات - يران 2015 -جىلى قول قويعان يادرولىق كەلىسىمشارتتىڭ كەي مىندەتتەمەلەرىن ورىنداۋدان باس تارتتى. ەل پرەزيدەنتى حاسان رۋحاني ارنايى مالىمدەمە جاسادى.

 يادرولىق كەلىسىمگە ساي يران بايىتىلعان ۋراندى ەل ىشىندە قالدىرماي، سىرت مەملەكەتتەرگە ساتىپ وتىرۋى ءتيىس بولاتىن. رەسمي تەگەران وسى مىندەتتى ورىنداۋدان باس تارتىپ وتىر، ونى «60 كۇنگە ۋاقىتشا توقتاتامىز» دەيدى. ويتكەنى جاڭاعى كەلىسىمدى بەكىتكەن وزگە ەلدەر مۇناي جانە بانك سالاسىنا قاتىستى ءوز مىندەتتەرىن ورىنداماي وتىرعان كورىنەدى.

 ەستەرىڭىزگە سالايىق، دونالد ترامپتىڭ شەشىمىمەن ا ق ش بۇل كەلىسىمنەن وتكەن جىلدىڭ مامىرىندا شىعىپ كەتىپ، ىزىنشە يرانعا قارسى سانكسيالارىن جاڭارتقان. وزگە ەلدەر كەلىسىمنەن شىققان جوق.

www.24.kz