11:42, 08 - مامىر 2019 | GMT +5
ءالي احمەدوۆ گولوۆكيننىڭ جاڭا باپكەرىمەن جاتتىعاتىن بولدى
نۇر-سۇلتان. قازاقپارات - قازاقستاندىق كاسىپقوي بوكسشى، GGG Promotions كليەنتى ءالي احمەدوۆ گەننادي گولوۆكيننىڭ جاڭا باپكەرى دجوناتان بەنكسپەن جاتتىعاتىن بولدى، دەپ حابارلايدى قازاقپارات ءتىلشىسى.
بۇل تۋرالى «قازاقستان كاسىپقوي بوكسى» vkontakte.ru پاراقشاسىندا حابارلادى.
«WBC الەم چەمپيونى تيتۋلىنىڭ جاستار اراسىنداعى يەگەرى ءالي احمەدوۆ گەننادي گولوۆكيننىڭ جاڭا باپكەرى - امەريكالىق دجوناتان بەنكسپەن كاليفورنيا شتاتىندا جاتتىعادى»، - دەلىنگەن حابارلامادا.
ەسكە سالا كەتسەك، وسىدان بىرنەشە كۇن بۇرىن گەننادي گولوۆكين ءوزىنىڭ جاڭا باپكەرىن تانىستىرعان بولاتىن.
بەنكسكە دەيىن گولوۆكين توعىز جىل ابەل سانچەسپەن بىرلەسىپ جۇمىس ىستەدى. 8-ماۋسىم كۇنى نيۋ-يوركتە وتەتىن ستيۆ روللسپەن جەكپە-جەك 36 جاستاعى امەريكالىقتىڭ GGG- ءدىڭ جاتتىقتىرۋشىسى رەتىندەگى العاشقا ايقاسى بولماق.
ال ءالي احمەدوۆ گولوۆكين-روللس ايقاسىنىڭ اندەركارتىندا شارشى الاڭعا شىعادى.