باتىر جۇكەمبايەۆتىڭ كەلەسى قارسىلاسى انىقتالدى
«قازاقستان كاسىپقوي بوكسى» ۆكونتاكتە پاراقشاسىنان بەلگىلى بولعانداي، Montreal Casino ويىن-ساۋىق كەشەنىندە جۇكەمبايەۆ جارتىلاي ورتا سالماقتاعى 10 راۋندتىق جەكپە-جەكتە 30 جاستاعى مەكسيكالىق لۋيس حەسۋس ۆيدالەسقا (13-6، 6 ك و) قارسى وتكىزەدى.
ۆيدالەس 2011-جىلدان بەرى كاسىپقوي بوكستا. ءبىر كەزدەسۋدەن باسقاسىنىڭ ءبارىن ول بوكسشى مەكسيكادا وتكىزگەن.
قازاقستاندىق نوكاۋتشى باتىر جۇكەمبايەۆتىڭ (15-0، 12 ك و) رينگكە ورالاتىن كۇننىڭ قاشان كەلەتىنىن بۇعان دەيىن حابارلاعان بولاتىنبىز. جەڭىلىپ كورمەگەن سپورتشى 17- مامىردا مونرەالداعى (كانادا، كۆەبەك پروۆينتسياسى) Montreal Casino-دا وتەتىن بوكس كەشىنىڭ قاتىسۋشىلارىنىڭ ءبىرى بولماق. قازاقستان ۋاقىتى بويىنشا ايقاس 18- مامىردا تاڭەرتەڭ وتەدى.
جۇكەمبايەۆ سوڭعى ايقاسىن ءدال وسى مونرەال قالاسىندا وتكىزىپ، مەكسيكالىق حيلبەرتو مەسانى (10-5-1،, 6 ك و) تورەشىلەردىڭ ءبىراۋىزدى شەشىمىمەن جەڭگەن ەدى.