قازاقستان چەمپيوناتىنىڭ ءساۋىر ايىنداعى ۇزدىك فۋتبولشىسى انىقتالدى

قوستاناي. قازاقپارات - قازاقستان كاسىپقوي فۋتبول ليگاسى (ق ك ف ل) ءساۋىر ايىنىڭ قورىتىندىسى بويىنشا قازاقستان چەمپيوناتىنىڭ ەڭ ۇزدىك ويىنشىسى مەن جاتتىقتىرۋشىسىن تاڭدادى، دەپ حابارلايدى قازاقپارات.

بۇل ساۋالناماعا پرەمەر-ليگا كوماندالارى باس باپكەرلەرى قاتىستى. ۇزدىكتەردى انىقتاۋ بارىسىندا ساۋالناماعا قاتىسۋشى ءوزىنىڭ ءۇش ويىنشىدان تۇراتىن ءتىزىمىن اتادى.

العان ورىنعا بايلانىستى ويىنشىلارعا ۇپايلار تومەندەگىدەي بەرىلدى: 1- ورىن - 3 ۇپاي، 2- ورىن - 2 ۇپاي، 3-ورىن - 1 ۇپاي. ۇپايلاردى قوسۋ ارقاسىندا قورىتىندى شىعارىلدى. ۇزدىك باپكەردى انىقتاۋ بارىسىندا ساۋالناماعا قاتىسۋشىلار ءبىر عانا ۇمىتكەردى اتادى.

ساۋالناما ناتيجەلەرى بويىنشا ءساۋىر ايىنىڭ ەڭ ۇزدىك ويىنشىسى بولىپ «استانانىڭ» فۋتبولشىسى دورين روتاريۋ تانىلدى. ول قوستانايلىق «توبىلدىڭ» كاپيتانى ازات نۇرعاليەۆتەن ەكى ۇپايعا باسىم ءتۇستى.

ال ەڭ ۇزدىك باس باپكەرگە بەرىلەتىن سىيلىق تا ەلوردالىق رومان گريگورچۋككە بۇيىردى.