پوليتسيا شەرۋ كەزىندە قاۋىپسىزدىك شارالارىن كۇشەيتپەك

الماتى. قازاقپارات - الماتى پوليتسياسى «باتىرلارعا تاعزىم شەرۋى» كەزىندە قاۋىپسىزدىك شارالارىن كۇشەيتپەك، دەپ حابارلايدى قازاقپارات ءتىلشىسى.

قالالىق پوليتسيا دەپارتامەنتىنىڭ حابارلاۋىنشا، جەڭىس مەرەكەسىنە وراي ۇيىمداستىرىلاتىن «باتىرلارعا - تاعزىم» شەرۋى كەزىندە قاۋىپسىزدىك شارالارىن كۇشەيتۋدى ارداگەرلەر كەڭەسى ءوتىنىش تۇسىرگەن.

7-9- مامىر ارالىعىندا الماتىدا كوپتەگەن مادەني بۇقارالىق ءىس-شارالار جوسپارلانعان. سونىمەن قاتار، مەرەكەگە وراي ءداستۇرلى شەرۋ ۇيىمداستىرىلادى. بۇل شارالارعا 115 مىڭداي ادام قاتىسادى.

وسىعان بايلانىستى پوليتسيا جەكە قۇرامى كۇشەيتىلگەن قىزمەت رەجىمىنە كوشەدى.

ساپ تۇزەگەن شەرۋشىلەردى پوليتسيا قارايلاپ جۇرەدى.

«2016-جىلى نيتستسادا بولعان تەراكتى وقيعاسى كوپشىلىكتى شوشىتقانى راس. جۇك كولىگىنىڭ جۇرگىزۋشىسى ادامداردى تاپتاپ بارىپ، بەتون قورشاۋعا سوعىلعان. وسىنداي تەراكتىلەردىڭ الدىن الۋ ءۇشىن ءبىرقاتار شارا الدىن الا قابىلدانادى»، - دەدى باسقارمادان.

پوليتسيا قوعامدىق تىنىشتىقتى بۇزاتىن تۇلعالاردى قازاقستان زاڭناماسى بويىنشا بارىنشا جازالاناتىنىن حابارلادى.