ورتالىق سايلاۋ كوميسسياسى ءامىرجان قوسانوۆتى پرەزيدەنتتىككە كانديدات ەتىپ تىركەدى

نۇر- سۇلتان. قازاقپارات - ق ر ورتالىق سايلاۋ كوميسسياسى ءامىرجان قوسانوۆتى ق ر پرەزيدەنتتىگىنە كانديدەت رەتىندە تىركەدى، دەپ حابارلايدى قازاقپارات.

بۇگىن ق ر ورتالىق سايلاۋ كوميسسياسى 2019 -جىلعى 9 - ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا ءامىرجان ساعيدراحمان ۇلى قوسانوۆتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋ تۋرالى قاۋلى قابىلدادى.

«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 -جىلعى 28 - قىركۇيەكتەگى كونستيتۋتسيالىق زاڭىنىڭ 12-بابى 8) تارماقشاسىنا، 59-بابىنا سايكەس قازاقستان رەسپۋبليكاسى ورتالىق سايلاۋ كوميسسياسى قاۋلى ەتەدى:

1. ءامىرجان ساعيدراحمان ۇلى قوسانوۆ قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەلسىن.

2. ءامىرجان ساعيدراحمان ۇلى قوسانوۆقا قازاقستان رەسپۋبليكاسىنىڭ پرەزيدەنتتىگىنە كانديداتتىڭ كۋالىگى بەرىلسىن.

3. قازاقستان رەسپۋبليكاسى ورتالىق سايلاۋ كوميسسياسى اپپاراتىنىڭ بيۋدجەتتى جوسپارلاۋ جانە اتقارۋ ءبولىمى «قازاقستان حالىق جيناق بانكى» اكسيونەرلىك قوعامىنا ارناۋلى ۋاقىتشا شوت اشۋ ءۇشىن قازاقستان رەسپۋبليكاسىنىڭ پرەزيدەنتتىگىنە كانديدات ءامىرجان ساعيدراحمان ۇلى قوسانوۆتىڭ تىركەلگەنى تۋرالى مالىمەتتەردى ۇسىنسىن.

4. قازاقستان رەسپۋبليكاسى ورتالىق سايلاۋ كوميسسياسى اپپاراتىنىڭ بۇقارالىق اقپارات قۇرالدارىمەن جانە قوعامدىق بىرلەستىكتەرمەن ءوزارا ءىس- قيمىل ءبولىمى ءامىرجان ساعيدراحمان ۇلى قوسانوۆتىڭ قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەلگەنى تۋرالى قوسا بەرىلىپ وتىرعان حاباردى بۇقارالىق اقپارات قۇرالدارىندا جاريالاسىن.