تەڭىز كەن ورنىندا پوليتسيا بولىمشەسى اشىلدى
«بولىمشە 40 مىڭعا جۋىق ادام تۇراتىن تەڭىز ۆاحتالىق كەنتىندە اشىلدى. ولار ءۇشىنشى زاۋىتتىڭ قۇرىلىسىندا جۇمىس ىستەيدى. كەنتتەگى قۇقىقتىق ءتارتىپتى قامتاماسىز ەتۋمەن 27 پوليتسيا قىزمەتكەرى اينالىساتىن بولادى»، - دەپ حابارلادى ايماقتاعى پوليتسيا دەپارتامەنتىنىڭ باسپا ءسوز قىزمەتى.
جاڭا عيماراتتا كەزەكشىلىك ءبولىم، تەرگەۋشى مەن ۇستالعان ازاماتتارعا ارنالعان ارنايى بولمە جاساقتالعان. كۇدىكتى تۇلعالاردى تەرگەۋگە ارنالعان بولمەگە اۋديو جانە ۆيدەو قۇرىلعىلار ورناتىلعان.
ايتا كەتەيىك، تەڭىز كەن ورنىندا مۇناي ءوندىرىسىن جىلىنا 28 ميلليون توننادان 39 ميلليون تونناعا دەيىن ارتتىرۋ جۇمىستارى جۇرگىزىلىپ جاتىر. جوبا بويىنشا ۆاحتالىق تاسىلمەن 100 مىڭعا جۋىق ادام - تۇتاس قالا تۇرعىندارى جۇمىسپەن قامتىلاتىن بولادى.
اۆتور: ا. سوكولوۆ