ءىش پىستىرىپ جىبەردى - گولوۆكين «كانەلو-دجەيكوبس» ايقاسى جايلى
«بۇگىن ەرەكشە بولارلىق ەشتەڭە بايقاي المادىم. جاقسى ءبىر سپاررينگ ماتچ سەكىلدى ءوربىدى. ءىشىم پىسىپ كەتتى. جانكۇيەرلەر بۇدان دا جوعارى ايقاسقا لايىق ەدى»، - دەپ جازدى گولوۆكين ينستاگرام پاراقشاسىندا.
ەسكە سالا كەتسەك، لاس-ۆەگاستا (ا ق ش) مەكسيكالىق ساۋل الۆارەس پەن امەريكالىق دەنيەل دجەيكوبس اراسىندا WBC، WBA جانە IBF نۇسقالارى بويىنشا ورتا سالماقتاعى (72,6 كەلىگە دەيىن) الەم چەمپيونى تيتۋلدارىنا قاتىستى جەكپە-جەك وتكەن بولاتىن.
چەمپيوندار اراسىنداعى ايقاس 2 راۋندقا سوزىلىپ، تورەشىلەردىڭ ءبىراۋىز شەشىمى بويىنشا 115-113، 115-113 جانە 116-112 ەسەبىمەن جەڭىس ساۋل الۆارەسكە بەرىلدى.
الايدا، ابسوليۋتتى الەم چەمپيوندىعىنا دەيىن مەكسيكالىق بوكسشىعا دەمەتريۋس اندارە يەلەنگەن WBO بەلبەۋى جەتىسپەيدى.
ايتا كەتەيىك، الۆارەس پەن دجەيكوبستىڭ ەكەۋى دە گەننادي گولوۆكيننىڭ بۇرىنعى قارسىلاستارى. قازاقستاندىق بوكسشى ءوزىنىڭ جاڭا جاتتىقتىرۋشىسى دجوناتان بەنكسپەن جەكپە-جەكتى تاماشالادى.
