دجەيكوبستى جەڭگەن الۆارەس گولوۆكيننىڭ سالماعىنداعى ءۇش تيتۋلدى يەمدەندى

نۇر-سۇلتان. قازاقپارات - لاس-ۆەگاستا (ا ق ش) مەكسيكالىق ساۋل الۆارەس پەن امەريكالىق دەنيەل دجەيكوبس اراسىندا WBC، WBA جانە IBF نۇسقالارى بويىنشا ورتا سالماقتاعى (72,6 كەلىگە دەيىن) الەم چەمپيونى تيتۋلدارىنا قاتىستى جەكپە-جەك ءوتتى، دەپ حابارلايدى «SPORTINFORM» س ا ا.

چەمپيوندار اراسىنداعى ايقاس 2 راۋندقا سوزىلىپ، تورەشىلەردىڭ ءبىراۋىز شەشىمى بويىنشا 115-113، 115-113 جانە 116-112 ەسەبىمەن جەڭىس ساۋل الۆارەسكە بەرىلدى.

الايدا، ابسوليۋتتى الەم چەمپيوندىعىنا دەيىن مەكسيكالىق بوكسشىعا دەمەتريۋس اندارە يەلەنگەن WBO بەلبەۋى جەتىسپەيدى.

ايتا كەتەيىك، الۆارەس پەن دجەيكوبستىڭ ەكەۋى دە گەننادي گولوۆكيننىڭ بۇرىنعى قارسىلاستارى. قازاقستاندىق بوكسشى ءوزىنىڭ جاڭا جاتتىقتىرۋشىسى دجوناتان بەنكسپەن جەكپە-جەكتى تاماشالادى.