ەتنومادەني بىرلەستىكتەر نۇرسۇلتان نازاربايەۆتىڭ تاپسىرمالارىن تالقىلادى
ايتا كەتەيىك، سەسسيا كەزىندە اسسامبلەيا ءتوراعاسى نۇرسۇلتان نازاربايەۆ قوعامداعى تۇراقتىلىق پەن تىنىشتىقتىڭ بارلىق مەحانيزمدەرىن ءتيىمدى پايدالانۋدى تاپسىرعان بولاتىن. اتاپ ايتقاندا، مەدياتسيا ينستيتۋتىن كۇشەيتۋ كەرەك. بۇدان بولەك، مەمورگاندار جانىنداعى قوعامدىق كەڭەستەردىڭ ءرولىن ارتتىرۋ قاجەت. ال قازاقستان حالقى اسسامبلەياسى كاسىپكەرلەر قاۋىمداستىعى ارقىلى شەتەلدىك ينۆەستورلارمەن ەكونوميكالىق ىنتىماقتاستىقتى كەڭەيتۋى ءتيىس. اسسامبلەيانىڭ اتىنان پارلامەنتكە وتكەن دەپۋتاتتىق كورپۋستىڭ الەۋەتىن دە بارىنشا پايدالانعان ءجون.
قازاقستان حالقى اسسامبلەياسىنىڭ نۇر-سۇلتان قالالىق حاتشىلىعىنىڭ مەڭگەرۋشىسى لياززات قۇسايىنوۆانىڭ ايتۋىنشا، بۇگىندە ۇيىمنىڭ بىرىكتىرۋشى قىزمەتىن بارىنشا كۇشەيتۋ شارالارى جۇرگىزىلىپ كەلەدى. وسى ورايدا اسسامبلەيانىڭ قۇرىلىمدارى قولدانىلادى.
«ەلباسى اسسامبلەيانىڭ قۇرىلىمىنا كىرەتىن مەحانيزمدەر مەن قۇرالداردى بارىنشا پايدالانىپ، قوعامدى بىرىكتىرۋ شارالارىنا باسىمدىق بەرۋدى تاپسىرعان بولاتىن. ول مەحانيزمدەردىڭ ىشىندە قوعامدىق كەلىسىم كەڭەستەرى، عىلىمي-ساراپتامالىق توپتار، انالار كەڭەستەرى، «جاڭعىرۋ جولى» جاستار قوزعالىسى، مەدياتسيا ينستيتۋتى مەن قايىرىمدىلىق شارالارى بار. ماسەلەن، قازىرگى كەزدە ءبىز ەتنومادەني بىرلەستىكتەردىڭ اتىنان شىعاتىن مەدياتورلاردىڭ سانىن ارتتىرىپ جاتىرمىز. وسىلايشا، اتالعان قۇرىلىمنىڭ قوعامداعى تۇراقتىلىق پەن تىنىشتىقتى ساقتاۋ سالاسىنداعى الەۋەتىن بارىنشا پايدالانىپ وتىرمىز»، - دەدى ل. قۇسايىنوۆا قازاقپارات تىلشىسىنە بەرگەن سۇحباتىندا.