قازاقستان مەن ا ق ش ديپلوماتيالىق بايلانىستاردى نىعايتۋعا نەگىزدەلگەن قۇجاتتى بەكىتتى
اتالعان قۇجاتتى ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆ پەن ا ق ش- تىڭ قازاقستانداعى توتەنشە جانە وكىلەتتى ەلشىسى ۋيليام موزەر بەكىتتى.
«قازىرگى تاڭدا قازاقستان مەن ا ق ش اراسىنداعى كەڭەيتىلگەن ستراتەگيالىق قاتىناستار قارقىندى دامۋدا. وعان ەڭ جوعارى دارەجەدەگى تۇراقتى ساياسي سۇحبات ءوز يگىلىگىن تيگىزگەنى ءمالىم. وزدەرىڭىزگە ءمالىم بولعانداي، 2018 -جىلدىڭ قاڭتارىندا ق ر تۇڭعىش پرەزيدەنتى نۇرسۇلتان نازاربايەۆ ا ق ش- قا رەسمي ساپارمەن بارىپ، وسى ەكىجاقتى قاتىناستارىمىزدى كەڭەيتىلگەن ستراتەگيالىق ارىپتەستىك دەڭگەيىنە شىعارۋ تۋرالى ۋاعدالاستىققا قول جەتكىزگەن بولاتىن. وسى كەلىسىم قازاقستان مەن ا ق ش- تىڭ كونسۋلدىق لاۋازىمدى تۇلعالاردى جانە ولاردىڭ وتباسى مۇشەلەرىن ديپلوماتيالىق يممۋنيتەتتەرمەن، ارتىقشىلىقتارمەن قامتاماسىز ەتۋگە بايلانىستى ماسەلەلەردى رەتتەپ، بۇل ءوز كەزەگىندە اتالمىش كونسۋلدىق لاۋازىمدى تۇلعالاردىڭ قىزمەتىنە وڭ اسەر تيگىزەتىن بولادى» ، - دەدى ەرجان اشىقبايەۆ.
ايتا كەتەيىك، بۇگىندە ا ق ش اۋماعىندا قازاقستاننىڭ ەكى باس كونسۋلدىعى جۇمىس اتقارۋدا. ولاردىڭ ءبىرى نيۋ- يورك قالاسىندا بولسا، ەكىنشىسى سان- فرانتسيسكو قالاسىنداعى قازاقستاننىڭ باس كونسۋلدىعى.
ءوز كەزەگىندە ۋيليام موزەر ەكى ەل اۋماعىندا قىزمەت ەتىپ جۇرگەن ديپلوماتتار ءۇشىن تولىق يممۋنيتەتتەر مەن ارتىقشىلىقتاردى قامتاماسىز ەتۋ باعىتىندا ءتيىستى قادام جاساپ وتىرعانىن اتاپ ءوتتى.
«قازاقستان مەن ا ق ش تىعىز ەكىجاقتى قاتىناستاردى قامتاماسىز ەتۋ ءۇشىن ءبىرازدان بەرى ءبىرقاتار باستامالاردى ىسكە اسىرۋعا قاتىستى. سونىمەن قاتار، قازاقستاننىڭ ا ق ش اۋماعىندا ديپلوماتيالىق قاتىسۋىن كەڭەيتۋ مۇددەسىن قولدايمىز. وسى ورايدا قازاقستاندىق ديپلوماتتار ءۇشىن ارتىقشىلىقتار مەن يممۋنيتەتتەردى قامتاماسىز ەتۋ - ينۆەستيتسيا تارتۋ ارقىلى ەكونوميكانى دامىتۋ مەن ەكىجاقتى بايلانىستاردى ارى قاراي نىعايتۋعا ىقپال ەتەتىنى ءسوزسىز» ، - دەدى ا ق ش ەلشىسى.
