جانسەل دەنيز الەم چەمپيوناتى قارساڭىندا جاراقات الىپ قالدى

ەستەرىڭىزگە سالا كەتەيىك، الەم چەمپيوناتى 10-20 - مامىر ارالىعىندا ۇلىبريتانيانىڭ مانچەستەر قالاسىندا وتەدى. اتالعان ليتسەنزيالىق دوداعا قازاقستان تولىق قۇراممەن قاتىسۋدى جوسپارلاپ وتىر.

 بۇگىندە قازاقستاندىق تاەكۆوندوشىلار وڭتۇستىك كورەيادا بىرلەسكەن وقۋ- جاتتىعۋ جيىندارىن وتكىزۋدە. ال 73 كەلىدە باق سىنايتىن جانسەل دەنيز قۇراما سپورتشىلارىنىڭ قاتارىنا ەندى قوسىلماق. بۇعان سپورتشىنىڭ كۇتپەگەن جەردەن جاراقات الىپ قالۋى سەبەپ بولعان.

 «گەرمانياداعى تۋرنيردەن ەلگە ورالىپ، دەرەۋ جاتتىعۋدى باستاپ كەتكەنبىز. دايىندىق كەزىندە تىزەمدى جاراقاتتاپ الدىم. سودان بەرى ءبىر ايداي ەمدەلىپ، جاتتىعۋ جيىندارىنان سىرت قالعان جايىم بار. ءبىزدىڭ كوماندا ون شاقتى كۇننەن بەرى كورەيادا دايىندالۋدا. مەن ولاردىڭ قاتارىنا جاقىن ارادا قوسىلامىن. ءالى ەكى- ءۇش اپتا بويى ەمدەلۋىم قاجەت ەدى. ءبىراق ۋاقىت تىعىزدىعىنا بايلانىستى جولعا شىعىپ بارام. مانچەستەردەگى الەم چەمپيوناتىنا جاراقاتىما قاراماي قاتىسامىن دەپ شەشتىم. ويتكەنى، بۇل وتە ماڭىزدى تۋرنير. ونىڭ ۇستىندە، مەن ەڭ ءبىرىنشى جارىس كۇنىندە سىنعا تۇسەمىن. دايىندىعىم ويداعىداي بولماسا دا، الەم چەمپيوناتىندا بارىمدى سالامىن» ، - دەيدى جانسەل.

 ايتا كەتەلىك، جانسەل دەنيز بيىلعى ماۋسىمداعى رەيتينگىلىك تۋرنيرلەردىڭ بارلىعىندا دا جۇلدەگەرلەر قاتارىنان كورىندى.