اتاقتى قاقپاشى جۇرەك ۇستاماسىنا ۇشىرادى
«پورتۋ» كلۋبى ونىڭ جۇرەك ۇستاماسىنا ۇشىراعانىن راستادى. وتا جاسالىپ، كاسيلياستىڭ ومىرىنە ەش قاۋىپ جوق ەكەنى انىقتالدى. الايدا ويىنشى مانسابىن اياقتاۋى مۇمكىن.
«يكەر كاسيلياس سارسەنبى كۇنى وليۆالداعى «پورتۋگايا» وقۋ-جاتتىعۋ ورتالىعىنداعى تاڭعى جاتتىعۋ كەزىندە وتكىر ميوكارد جۇرەك ۇستاماسىن باسىنان كەشىردى. جاتتىعۋ تەز ارادا توقتاتىلىپ، كوماندا قاقپاشىسىنا كومەك كورسەتىلدى. ول قازىر گوسپيتالدە. كاسيلياستىڭ دەنى ساۋ، ونىڭ دەنساۋلىعى ءبىرقالىپتى، جۇرەگىمەن تۋىنداعان ماسەلەلەر شەشىلدى»، - دەپ جازىلعان «پورتۋدىڭ» رەسمي سايتىنداعى مالىمدەمەدە.
كاسيلياس «پورتۋ» كلۋبىنا 2015 -جىلى «رەال» ساپىنان اۋىسقان. «رەال مادريد» ساپىندا 16 جىل بويى ويناعان قاقپاشىنىڭ «پورتۋمەن» كەلىسىم شارتى 2020 -جىلعا دەيىن قاراستىرىلعان.
اتاقتى قاقپاشىنى «رەال»، «بارسەلونا»، «ليۆەرپۋل»، «مانچەستەر سيتي»، «چەلسي»، «بەنفيكا»، «سپورتينگ» كوماندالارى قولداپ، تەزىرەك جازىلىپ كەتۋىنە تىلەك ءبىلدىردى.
ايتا كەتەيىك، يكەر كاسيلياس يسپانيا قۇراماسىنىڭ ساپىنداعى الەم چەمپيونى، ەكى دۇركىن ەۋروپا چەمپيونى، «رەال» قاتارىندا يسپانيا بىرىنشىلىگىن، يسپانيا كۋبوگىن، چەمپيوندار ليگاسىن جەڭىپ العان زامانىمىزدىڭ ايگىلى قاقپاشىسى.