قاسىم- جومارت توقايەۆ جاپونيانىڭ جاڭا يمپەراتورى نارۋحيتونى قۇتتىقتادى
جەدەلحاتتا مەملەكەت باسشىسى بارشا قازاقستان حالقىنىڭ جانە جەكە ءوزىنىڭ اتىنان نارۋحيتونى جاپونيا يمپەراتورى تاعىنا وتىرۋىنا وراي قۇتتىقتاپ، تاۋەلسىزدىگىمىزدىڭ العاشقى كۇندەرىنەن باستاپ قازاقستاننىڭ تۇڭعىش پرەزيدەنتى ن. ءا. نازاربايەۆ ەلىمىزدىڭ جاپونيامەن ىنتىماقتاستىعىن دامىتۋعا ەرەكشە ءمان بەرگەنىن اتاپ ءوتتى.
«قىسقا تاريحي مەرزىم ىشىندە ەلدەرىمىز اراسىنداعى قارىم- قاتىناستار كەڭەيتىلگەن ستراتەگيالىق ارىپتەستىك دەڭگەيىنە جەتتى. قازاقستان رەسپۋبليكاسىنىڭ پرەزيدەنتى رەتىندە ەلىمىزدىڭ سىرتقى ساياساتتاعى ساباقتاستىقتى ساقتاپ، حالىقتارىمىزدىڭ يگىلىگى ءۇشىن قازاقستان مەن جاپونيا اراسىنداعى ءوزارا ءتيىمدى ىنتىماقتاستىقتى ودان ءارى نىعايتۋعا كۇش سالامىن.
بۇگىندە جاپونيا ءبىزدىڭ ەلىمىز ءۇشىن ازياداعى سەنىمدى ءارى ستراتەگيالىق سەرىكتەس سانالادى. ءسىزدىڭ قولداۋىڭىزبەن «رەيۆا» داۋىرىندە جان- جاقتى ىقپالداستىق اياسىن تەرەڭدەتۋ ءۇردىسى ودان ءارى جالعاسىن تاباتىنىنا ەرەكشە ءۇمىت ارتامىن» ، - دەلىنگەن جەدەلحاتتا.
سوڭىندا قاسىم- جومارت توقايەۆ جاپونيا يمپەراتورىنا مول تابىس، ال دوستاس جاپون حالقىنا بەرەكە جانە تۇراقتىلىق تىلەدى.
