الماتىدا «دوستىق داستارحانى» فەستيۆالى ءوتتى

 الماتى. قازاقپارات - الماتىدا دوستىق ۇيىندە «دوستىق داستارحانى» فەستيۆالى ءوتتى. بارلىق حالىقتىڭ وكىلدەرى قوناقتاردى ۇلتتىق تاعامدارىمەن تانىستىردى، دەپ حابارلايدى قازاقپارات ءتىلشىسى.

فەستيۆالدە تاعامداردىڭ دەگۋستاتسيا كورمەسى ءوتتى. ءار تاعامنىڭ قالاي جاسالاتىنى ايتىلدى. ءار ەتنومادەني بىرلەستىكتىڭ شىعارماشىلىق ۇجىمى كونسەرتتىك باعدارلاما دايىنداعان.

«ءبىز بۇگىن 9 ءتۇرلى تاماق دايىندادىق. سەبەبى، 9 سانى قىتايدا ۇزاق ءومىر، وركەندەۋدى بىلدىرەدى. ءبىزدىڭ ۇستەلدە اماندىق پەن ساتتىلىكتى بىلدىرەتىن بالىق بار. بالىق بىزدە بارلىق جيىنداردا قويىلادى، ويتكەنى جاقسى نارسەنىڭ باستاماسى دەگەندى تۇسىندىرەدى. تۇشپارا- وتباسىنىڭ بىرلىگىن بىلدىرەتىن اس. نەگىزىندە ءبىزدىڭ تاعامنىڭ ءدامى اشى بولىپ سانالادى» ، - دەدى قىتاي مادەني ورتالىعىنىڭ جاستار قاناتىنىڭ باسشىسى يرينا چين.

 

مافتۋنا تۋلاموۆا - وزبەك مادەني ورتالىعى ەتنومادەني بىرلەستىگىنىڭ جاستارىنىڭ ءبىرى. ونىڭ ايتۋىنشا، الماتىدا 2 مىڭ وزبەك ۇلتىنىڭ جاسى تۇرادى.

 «ۇلتتىق تاعامنىڭ فەستيۆالىنە قاتىسقانىمىزعا قۋانىشتىمىز. ءبىزدىڭ ۇستەلدە ۇلتتىق اسىمىز - پالاۋ قويىلدى. ونىڭ قاسىندا استىڭ دامدەۋىشى قىشقىل اچۋچۋك سالاتى تۇر. ودان بولەك، ۇستەلدە سامسا بار، ول دا ءبىزدىڭ ۇلتتىق تاعامىمىز سانالادى» ، - دەدى وزبەك ۇلتتىق مادەني ورتالىعىنىڭ وكىلى مافتۋنا تۋلاموۆا.

 

سونىمەن قاتار، فەستيۆالگە قازاقستان حالقى اسسامبلەياسى ءتوراعاسى ورىنباسارى جانسەيىت تۇيمەبايەۆ كەلدى.