پرەزيدەنت جاردەماقىعا كۇن كورىپ، ەڭبەكتەنگىسى كەلمەيتىندەردى انىقتاۋدى تاپسىردى

تالدىقورعان. قازاقپارات - تالدىقورعاندا جۇرتشىلىقپەن كەزدەسۋ بارىسىندا پرەزيدەنت جاردەماقىعا ءومىر ءسۇرۋدى دۇرىس كورىپ، جۇمىس ىستەۋگە قۇلقى جوقتاردى انىقتاۋدى تاپسىردى، دەپ حابارلايدى قازاقپارات ءتىلشىسى.

«الەۋمەتتىك كومەككە اسا ءزارۋ جاندار مەن مەملەكەتتىڭ بەرگەنىن مىسە تۇتىپ، ەڭبەكتەنگىسى كەلمەيتىن، جاردەماقىعا كۇن كورەتىندەردى ناقتى انىقتاۋ كەرەك»، - دەدى ق ر پرەزيدەنتى قاسىم-جومارت توقايەۆ.

ەستەرىڭىزگە سالا كەتەيىك، بۇگىن الماتى وبلىسىنا جۇمىس ساپارىمەن كەلگەن پرەزيدەنت تالدىقورعانداعى سالتانات سارايىندا جۇرتشىلىقپەن كەزدەسىپ، ەركىن فورماتتا تىلدەستى.

كەزدەسۋ بارىسىندا پرەزيدەنت الماتى وبلىسىنىڭ اكىمىنە اپاتتى جولداردى جوندەۋدى تاپسىردى. سونىمەن قاتار، اكىمدەرگە جەر ەڭبەك ەتەم دەگەن ازاماتتاردىڭ يەلىگىندە بولۋ كەرەكتىگىن ەسكەرتتى.