14:58, 02 - مامىر 2019 | GMT +5
جۇمىس ىستەيتىن جاستاردى باسپانامەن قامتۋدى كۇشەيتۋ كەرەك - پرەزيدەنت
تالدىقورعان. قازاقپارات - تالدىقورعاندا جۇرتشىلىقپەن كەزدەسۋ بارىسىندا پرەزيدەنت جاس ماماندار مەن جاس وتباسىلاردى باسپانامەن قامتۋدى كۇشەيتۋدى تاپسىردى، دەپ حابارلايدى قازاقپارات ءتىلشىسى.
«جۇمىس ىستەيتىن جاستار مەن جاس وتباسىلارعا باسپانا سالۋدى كۇشەيتۋ كەرەك. اكىمدىك «7-20-25» باعدارلاماسى اياسىندا العاشقى جارنا رەتىندە تۇرعىن ءۇي سەرتيفيكاتتارىن بەرۋ مەحانيزمىن ەنگىزۋ قاجەت»، - دەدى ق ر پرەزيدەنتى قاسىم-جومارت توقايەۆ.
ەستەرىڭىزگە سالا كەتەيىك، پرەزيدەنت تالدىقورعانداعى سالتانات سارايىندا جۇرتشىلىقپەن كەزدەسىپ، ەركىن فورماتتا اڭگىمەلەستى.