قانداي جاعدايدا ورازانىڭ ساۋابى بولمايدى؟

نۇر-سۇلتان. قازاقپارات - ەلىمىزدىڭ باس مۇفتيى سەرىكباي قاجى وراز ورازانى ارىقتاۋ ماقساتىندا ەمەس، اللانىڭ رازىلىعى ءۇشىن ۇستاۋ قاجەت دەپ ءتۇسىندىردى.

بۇل تۋرالى Sputnik قازاقستان حابارلايدى.

قازاقستان مۇسىلماندارى دىني باسقارماسىندا وتكەن كەزدەسۋدە باس مۇفتي ورازانىڭ شارتتارى تۋرالى ناقتىلاپ بەردى.

«دەنساۋلىققا پايدالى ەكەن. ءبىر اي ورازا ۇستاسام، ءىشىم تازارىپ، جاقسى بولىپ قالادى» دەگەن ويمەن ورازا ۇستاۋعا بولمايدى. ونداي ادامعا ساۋاپ جوق. بالكىم ادامنىڭ اعزاسىنا بەلگىلى ءبىر دەڭگەيدە ورازانىڭ پايداسى تيەتىن شىعار. ءبىراق ول اللاعا قۇلشىلىق جاساپ جاتقان جوق. وندا ادام تەك جەكە باسىنىڭ ماسەلەسىن ويلاپ تۇر»، - دەدى سەرىكباي قاجى وراز .

باس ءمۇفتيدىڭ سوزىنشە، قاسيەتتى رامازان ايىندا ءاربىر مۇسىلمان اللانىڭ رازىلىعى ءۇشىن اۋىز بەكىتۋى ءتيىس.

«رامازان ايىندا مۇسىلمان تازا نيەت، كىرشىكسىز پەيىلمەن قۇلشىلىق ەتكەندە عانا ادامنىڭ ازعاسىنا ورازانىڭ پايداسى تيەدى. ادام رۋحاني باييدى»، - دەيدى باس ءمۇفتي.

سونداي-اق، قازاقستان مۇسىلماندارى ءدىني باسقارماسىنىڭ ءتوراعاسى بيىل رامازان 30 كۇنگە سوزىلاتىنىن، وسى ۋاقىت ارالىعىندا ازاماتتارعا ءتۇسىندىرۋ جۇمىستارى جۇرگىزىلەتىنىن اتاپ ءوتتى.

ەسكە سالا كەتەيىك، بيىل قاسيەتتى رامازان ايى 6- مامىردان باستالادى. ال ايت مەرەكەسى 5- ماۋسىمعا، قاسيەتتى قادىر ءتۇنى 31- مامىردان 1- ماۋسىمعا قاراعان تۇنگە سايكەس كەلىپ وتىر.

ءپىتىر ساداقانىڭ مولشەرى جان باسىنا شاققاندا 300 تەڭگە دەپ بەلگىلەنگەن.