يندونەزيادا ەل استاناسى باسقا قالاعا كوشىرىلۋى مۇمكىن

«يندونەزيا پرەزيدەنتى مەملەكەت استاناسىن اۋىستىرۋ تۋرالى ماڭىزدى شەشىم قابىلدادى. جاڭا استانانىڭ ورنى ءالى بەلگىسىز. دەگەنمەن، بورنەو ارالىنداعى پالانگكارايا جەرى تاڭدالۋى مۇمكىن دەگەن بولجام بار. ال ون ميلليوننان استام تۇرعىنى بار دجاكارتا قالاسى وتە جىلدام دامىپ جاتىر»، - دەپ جازادى باسىلىم.

اۆتوردىڭ ايتۋىنشا، يندونەزيا پرەزيدەنتى ۆيدودو سايلاۋداعى جەڭىسى تۋرالى حابالاعان كەزدە استانانى اۋىستىرۋ تۋرالى ايتقان ەدى. دەگەنمەن، سايلاۋدىڭ رەسمي ناتيجەلەرى 22- مامىرعا دەيىن حابارلاناتىن بولادى.

يندونەزيانىڭ باس قالاسىن كوشىرۋ تۋرالى يدەيا مەملەكەت 1945-جىلى تاۋەلسىزدىگىن العاننان بەرى بىرنەشە رەت ايتىلعان بولاتىن. ال 2016-جىلى دجاكارتادا الەم بويىنشا ەڭ ۇلكەن كەپتەلىس بولاتىنى انىقتالعان ەدى. سونىمەن قاتار دجاكارتا الەم بويىنشا سۋ استىنا ەڭ جىلدام كەتىپ بارا جاتقان قالا سانالادى. عالىمداردىڭ ايتۋىنشا، 2050-جىلعا قاراي مەگاپوليستىڭ تەڭ جارتىسىن سۋ باسادى.