نوبەل سىيلىعىن العان جازۋشىنىڭ ويلارى
* * *
ادام باقىتتى شاعىندا ءوزىنىڭ باقىتتى ەكەنىن بىلمەيدى.
* * *
مەنىڭ جالعىزدىعىمدى تۇسىنەتىن، الدىندا اياق كيىمىمدى شەشىپ، تىزەرلەپ وتىرمايتىن جانە قولىن سۇيگىزبەيتىن قۇدايدى قالايمىن.
* * *
ايەل، العاشقى ون مينۋتتا- اق، ەڭ از دەگەندە، الگى ەردىڭ بولمىس- ءبىتىمىن، ونىڭ وزىنە كىم ەكەنىن، ءوزىنىڭ ونىڭ سۇيە الاتىنىن نەمەسە سۇيە المايتىنىن ءتۇسىنىپ قويادى.
* * *
قالاي باقىتتى بولۋ جولىن بىلگەنمەن، ءبارىبىر ونىسىنان تۇك تە شىقپايتىن جاندار بولادى.
* * *
ادامدارعا بويالعان كۇلكى ەرىندەر ەمەس، ورنىنا شىن باقىت، ومىردەگى شىنايى باقىت قاجەت. سۋرەتشىلەر مۇنى بىلە تۇرا، كەسكىندەي الماعاندىقتان، بىزگە ومىردەگى باقىت ورنىنا پايىمداۋ باقىتىن ۇسىنادى.
* * *
ماحاببات - بۇل قاتتى قۇشاقتاسۋ مەن بىرگە بولۋ تىلەگى. اينالا الەمدى ءبىر ساتكە ۇمىتۋ. ءوز جانىنا سەنىمدى تۇراق تابۋ جولىندا ۇمتىلىس.
* * *
مەنىڭ بىلگىم كەلەتىنى، ماحاببات ادامداردى اقىماق ەتە مە نەمەسە اقىماقتار عانا عاشىق بولا ما؟
* * *
ەگەر ادامدارعا سەنىم ارتپاساڭ، وندا ومىردە ەشنارسە جاساي المايسىز...
* * *
ايەلدەر جەڭىسكە دەگەن ىقىلاسىمەن وزدەرىن ولتىرەدى. ال ەرلەر - ەگەر جەڭىسكە جەتۋگە مۇمكىندىك قالماسا.
* * *
اينالا استان- كەستەن بولىپ جاتقاندا بىزدەر كۇلكىلى ءارى اقىماق كورىنىسىمىزدى ەلەپ- ەسكەرمەي، ءبىر عانا تىلەكتى سۇرايمىز: بارلىعىنىڭ ءباز باياعىداي قالا بەرۋىن.
* * *
- باقىت دەگەن نە؟ - وسىناۋ جابىرقاۋ مەن بوس اۋرەشىلىكتى ۇمىتاتىن الەمدى تابۋ. قۇددى ءبىرتۇتاس الەمدەي، بىرەۋدى ۇستاپ تۇرا الۋ مۇمكىندىگى.
* * *
ەكى ادام ءجيى ءۇنسىز قالىپ تۇرعاندا، وسى ءبىر ۇنسىزدىك اڭگىمەدەن ارتىق ماڭىزعا يە.
* * *
...قانشالىقتى ءولىپ سۇيسەڭ دە، كوزدەن كەتسە، كوڭىلدەن كەتەدى...
* * *
تەلەفونمەن سويلەسىپ جاتىپ، سىم تەمىردىڭ ەكى قارسى بەتىندەگى تۇرعان ەكى ادام مۇلدەم ەكى باسقا جانعا اينالىپ كەتە الماق.
* * *
الەمنىڭ قۇپيا سىرى سول، ءاربىر ادامنىڭ ىشىندە ەگىزىندەي ەكىنشى ادام جاتادى.
* * *
ءبىز ءار ۋاقىتتا جاقسى كورگەن ادامدارىمىزعا ەڭ باعالىمىزدى، قاتتى قورعاشتايتىن ەڭ قىمباتىمىزدى بەرۋگە دايارمىز. مۇنىڭ سىرى، قاتتى سۇيگەندىكتەن، قارىمتاسىنا ەشنارسە سۇراماعاندىقتان.
* * *
سىزگە الدەكىمنىڭ كۇناسىز قالعانى ولاردىڭ كۇناعا بەلشەسىنەن باتقانىنان گورى جانعا قاتتىراق باتادى.
* * *
كەز كەلگەن جۇرەكتى ءتىل العىشتىقپەن جاۋلاپ الۋعا بولادى؛ سابىرلى الا الماعان قامال جوق.
* * *
- سەن ولىمنەن قورىقپايمىسىڭ؟ - ەگەر بۇل قورقىتۋ بولسا: قورىقپايمىن. ەگەر دوستىق اۋەسقويلىق بولسا: ءيا، قورقامىن.
* * * اراب شولدەرىندە قار تەك قۇم مەن قۇرىلىستارعا عانا ءتۇسىپ قويماي، سونىمەن بىرگە ەسكە دە تۇسەدى.
* * *
قۇپيا - جاقسى دوستىققا ەڭ جاقسى باستاما.
* * *
ەگەر قالا بىزگە ادەمى ءارى ەرەكشە بولىپ كورىنسە، دەمەك، ءبىزدىڭ ءومىرىمىز دە سونداي بولعانى.
* * *
مەكتەپتە ءبىزدى ءتوزىمدى بولۋعا بەكەر ۇيرەتكەن سەكىلدى. تەك ءومىر بويى ۋاقىت جوعالتۋ عانا، ودان وزگە ەشنارسە ەمەس.
* * *
ءبىزدىڭ قوعامداعى كوپتەگەن مىقتى وتباسىلار ەسسىز ءارى باقىتسىز ماحابباتتاردى ۇمىتۋ ءۇشىن جارالعانداي.
* * *
باقىت - ومىردەگى باستى پروبلەما. الدەكىم باقىتتى، ال الدەبىرەۋ باقىتتى بولا الماي ءجۇر. كوپشىلىك ادامدار، ادەتتە، شامامەن ورتاسىندا وتەدى.
* * *
ادام ءوزى وتكەن ءومىردى ءسۇيۋى ءتيىس، وعان سوسىن دا، جىلدار وتكەندە دە بەيىلى تولۋى ءۇشىن.
Massaget.kz
