الماتىدا مەرەكەلىك كونسەرت ءوتىپ جاتىر

الماتى. قازاقپارات - الماتىدا رەسپۋبليكا سارايىنىڭ الدىنداعى اباي الاڭىندا قازاقستان حالقىنىڭ بىرلىگى كۇنىنە ارنالعان مەرەكەلىك كونسەرت باستالدى، دەپ حابارلايدى قازاقپارات ءتىلشىسى.

الاڭعا بىرنەشە مىڭداعان ادام، سونىڭ ىشىندە بىرلەستىك وكىلدەرى، قالا جاستارى، ەرىكتىلەر جينالدى. جينالعان حالىقتىڭ الدىندا قازاقستان ەستراداسىنىڭ جۇلدىزدارى ونەر كورسەتىپ جاتىر.

مەرەكەلىك ءىس-شاراعا مەملەكەت باسشىسى قاسىم-جومارت توقايەۆ قاتىسادى دەپ جوسپارلانىپ وتىر. كەشە قاسىم-جومارت توقايەۆ جۇمىس ساپارىمەن الماتىعا كەلىپ، بىرنەشە نىساندى ارالادى. اتاپ ايتقاندا، پرەزيدەنت الماتىداعى ينفراقۇرىلىم جوبالارىنىڭ جۇزەگە اسىرىلۋ بارىسىمەن تانىستى. مەملەكەت باسشىسى «باقىتتى وتباسى» انا ورتالىعىنا، جامبىل اتىنداعى جاسوسپىرىمدەر كىتاپحاناسىنا باردى.

        

اۆتور: دانيار داۋتاليەۆ