قازاقستاندا سايلاۋ الدىندا دەبات ۇيىمداستىرىلۋى مۇمكىن بە

نۇر-سۇلتان. قازاقپارات - «زاڭگەرلەر - ءادىل سايلاۋ ءۇشىن» ر ق ب قۇرامىنا كىرەتىن زاڭ عىلىمدارىنىڭ دوكتورى مارات سارسەمبايەۆ سايلاۋ الدىندا اشىق دەبات ۇيىمداستىرۋ ىقتيمالدىعىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«دەبات - وتە قىزىقتى ءارى ساياسي ەلەكتورالدى شارا. شەتەلدەردە، اسىرەسە ا ق ش-تا دەباتتىڭ قالاي ۇيىمداستىرىلاتىنىن كوپشىلىك بىلەتىن بولار. بىزدە ول ءسال باسقاشا ۇيىمداستىرىلادى - ۇيىمداستىرۋشى رەتىندە ورتالىق سايلاۋ كوميسسياسى بار. كوميسسيا كانديداتتاردى دەباتقا شاقىرىپ، بارلىعىنا دا ءسوز سويلەۋ كەزەگىن بەرەدى»، - دەدى مارات سارسەمبايەۆ تىلشىلەرمەن كەزدەسۋدە.

سونىمەن قاتار، زاڭگەر زاڭنامادا جازىلعانداي، و س ك بەلگىلى ءبىر ادامعا باسىمدىق بەرە المايتىنىن، بارىنە تەڭ قارايتىنىن اتاپ ءوتتى.

«قانداي دا ءبىر باسقا ۇيىمدار دەباتتى ۇيىمداستىرا الادى» دەگەن زاڭدا جازىلماعان. ونى قازىرگى تاڭدا تەك و س ك وتكىزە الادى. دەگەنمەن، قازاقستاندىق زاڭداردىڭ بىردە-بىرىندە پروتسەسكە قاتىسۋشىلار، باسقا ساياسي پارتيالار دەبات وتكىزە المايدى دەگەن قاتاڭ تىيىم دا جوق»، - دەيدى مارات سارسەمبايەۆ.

ايتا كەتسەك، بۇگىن نۇر-سۇلتاندا «زاڭگەرلەر - ءادىل سايلاۋ ءۇشىن» ر ق ب مۇشەلەرى تىلشىلەرمەن كەزدەستى. جالپى، ەلىمىزدە 3 مىڭعا تارتا زاڭگەر سايلاۋدىڭ ءادىل وتكىزىلۋىن باقىلاپ وتىر.