رەسەيدە وتەتىن كينوفورۋمدا «ءبىزدىڭ قالانىڭ حانزاداسى» اتتى قازاقستاندىق تۋىندى كورسەتىلەدى
كينوفورۋم 2019-جىلعى مامىر ايىنىڭ 22 ىنەن 31 ءى ارالىعىندا سيەۆاستوپول قالاسىندا وتەدى. فيلمنىڭ رەجيسسەرى تالعات تەمەنوۆ كونكۋرستىڭ قازىلار القاسى مۇشەسى رەتىندە فەستيۆالگە شاقىرتۋ العان.
«ادامدار اراسىنداعى بولتىرىك»، «قىزعىش قۇس»، «ماحاببات ستانتسياسى» اتتى فيلمدەرىمەن حالىققا تانىلعان تالعات تەمەنوۆتىڭ بۇل تۋىندىسى - بالالار ءۇيىنىڭ تاربيەلەنۋشىسى جانە قارتتار ۇيىندە ءومىر سۇرەتىن قاريا تۋرالى.
ەسكە سالايىق، فيلمدە باستى ءرولدى سومداعان اكتەر تولەۋبەك ارالباي 2018-جىلى شاڭحاي ىنتىماقتاستىق ۇيىمىنا مۇشە ەلدەر اراسىندا وتكىزىلگەن كينوفەستيۆالدىڭ «ەر ادام ءرولىن ۇزدىك سومداعانى ءۇشىن» اتالىمىن جەڭىپ العان-دى.
سونىمەن قاتار، كارتينا II حالىقارالىق «ەۋرازيالىق كوپىر» اتتى كينوفەستيۆالىنە نەگىزگى كونكۋرسىنا قاتىسقان. حالىقارالىق «التىن ۆيتياز» جىل سايىن وتەتىن جانە رۋحاني-ونەگەلىك ءمانى بار كينونى دارىپتەيتىن فەستيۆال.
نەگىزىن 1992-جىلى رەسەي ءارتيسى نيكولاي بۋرليايەۆ قۇرعان بۇل فەستيۆال كينەماتوگرافيا سالاسى ۇزدىكتەرىنىڭ باسىن قوسىپ، «رۋحاني-ونەگەلىك يدەالدارعا قىزمەت ەتۋ» ۇرانىمەن وتەدى.
«التىن ۆيتياز» فەستيۆالىنىڭ قامقورشىلارى - ماسكەۋ جانە بارشا رۋس قاسيەتتى پاتريارحى كيريلل، رەسەي مادەنيەت قورىنىڭ جانە ر ف كينەماتوگرافيستەر وداعىنىڭ ءتوراعاسى، رەسەي حالىق ءارتيسى ن. س. ميحالكوۆ، ر ف مادەنيەت ءمينيسترى ۆ. ر. مەدينسكي، سيەۆاستوپول قالاسىنىڭ گۋبەرناتورى د. ۆ. وۆسياننيكوۆ.
«التىن ۆيتياز» كينوفورۋمى 28 جىل بويى رەسەيدە، ۋكراينادا، بەلورۋسسيادا، سەربيادا، پريدنەستروۆەدە وتكىزىلگەن.
