پرەزيدەنتتىككە ۇمىتكەر ءامىرجان قوسانوۆ كونستيتۋتسيا تالاپتارىنا ساي - ق ر و س ك

 دەپ حابارلايدى قازاقپارات ءتىلشىسى.

«2019 -جىلعى 27 - ساۋىردە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 54 جانە 55-بابىنا سايكەس قوسانوۆ ءامىرجان ساعيدراحمان ۇلى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە ۇسىنىلۋىنا بايلانىستى ق ر ورتالىق سايلاۋ كوميسسياسىنا تاپسىردى.

اتاپ ايتقاندا، «ۇلت تاعدىرى» قوزعالىسى ۇلتتىق پاتريوتتىق قوعامدىق بىرلەستىگىنىڭ جوعارى ورگانى وتىرىسىنىڭ ءامىرجان قوسانوۆتى ق ر پرەزيدەنتتىگىنە كانديدات رەتىندە ۇسىنۋ تۋرالى حاتتاماسىنان ءۇزىندى كوشىرمە؛ ق ر ورتالىق سايلاۋ كوميسسياسىنىڭ شوتىنا سايلاۋ جارناسىنىڭ ەنگىزىلگەنىن كۋالاندىراتىن قۇجات؛ ونىڭ ءومىرباياندىق دەرەكتەرى، جەكە باسىن كۋالاندىراتىن قۇجاتتىڭ، جوعارى وقۋ ورنىنداعى ءبىلىمى تۋرالى ديپلومدارىنىڭ كوشىرمەلەرى، مەملەكەتتىك قىزمەتتە نەمەسە مەملەكەتتىك سايلانبالى لاۋازىمدارداعى جۇمىس تاجىريبەسى تۋرالى مالىمەتتەر، ونىڭ ق ر پرەزيدەنتتىگىنە كانديدات رەتىندە داۋىس بەرۋگە تۇسۋگە كەلىسىم بەرگەنى تۋرالى ءوتىنىش ءتۇستى»، - دەدى ق ر ورتالىق سايلاۋ كوميسسياسىنىڭ مۇشەسى اقىلبەك يحدانوۆ.

ونىڭ ايتۋىنشا، 29 - ساۋىردە ق ر ورتالىق سايلاۋ كوميسسياسىندا ءامىرجان قوسانوۆتىڭ مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى لينگۆيستيكالىق كوميسسيانىڭ وتىرىسى بولىپ ءوتتى. لينگۆيستيكالىق ەمتيحان بارلىق بەلگىلەنگەن كەزەڭدەر بويىنشا وتكىزىلدى. وتكىزىلگەن ەمتيحاننىڭ ناتيجەلەرى بويىنشا لينگۆيستيكالىق كوميسسيا قازاقستان رەسپۋبليكاسىنىڭ پرەزيدەنتتىگىنە كانديدات ءا. قوسانوۆتىڭ مەملەكەتتىك ءتىلدى ەركىن مەڭگەرگەنى جونىندە شەشىم قابىلدادى.

سونىمەن قاتار ورتالىق سايلاۋ كوميسسياسى ءامىرجان قوسانوۆ ىشكى ىستەر مينيسترلىگىنىڭ كوشى- قون قىزمەتى كوميتەتىنىڭ مالىمەتتەرى نەگىزىندە تۋمىسىنان رەسپۋبليكا ازاماتى بولىپ تابىلاتىندىعىن، جوعارى ءبىلىمى بار ەكەنىن، باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتتەرى نەگىزىندە سوت زاڭمەن بەلگىلەنگەن تارتىپتە وتەلمەگەن نەمەسە الىپ تاستالماعان سوتتالعاندىعى جوقتىعىن، سوت سىبايلاس جەمقورلىق قىلمىس جانە سىبايلاس جەمقورلىق قۇقىق بۇزۋشىلىق ءۇشىن جاۋاپقا تارتپاعانىن، بەلسەندى سايلاۋ قۇقىعىنا يە ەكەندىگىن، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ مالىمەتتەرى نەگىزىندە مەملەكەتتىك قىزمەتتە، سونداي- اق سايلانبالى مەملەكەتتىك لاۋازىمداردا كەمىندە 5 جىل جۇمىس تاجىريبەسى بار ەكەندىگىن انىقتادى.

«وبلىستاردىڭ، رەسپۋبليكالىق ماڭىزى بار قالالاردىڭ، قازاقستان رەسپۋبليكاسى استاناسىنىڭ سايلاۋ كوميسسيالارىنا قازاقستان رەسپۋبليكاسىنىڭ پرەزيدەنتتىگىنە كانديداتتى قولداپ قول جيناۋعا ارنالعان قول قويۋ پاراقتارىن ءامىرجان ساعيدراحمان ۇلى قوسانقوۆا بەرۋ تاپسىرىلدى. قول جيناۋدى پرەزيدەنتتىككە كانديداتتىڭ سەنىم بىلدىرگەن ادامدارى جۇزەگە اسىرادى جانە ول قول قويۋ پاراقتارىمەن رەسىمدەلەتىنىن اتاپ ءوتۋ قاجەت»، - دەدى ول.

اۆتور: مارلان جيەمباي