حوككەي: قازاقستان قۇراماسى العاشقى جەڭىسىنە قول جەتكىزدى
قازاقستان قۇراماسى سلوۆەنيامەن كەزدەستى، دەپ حابارلايدى قازاقپارات ءتىلشىسى.
بۇدان بۇرىن حابارلاعانىمىزداي، اتالمىش كەزدەسۋدىڭ ءبىرىنشى كەزەڭىندە قازاقستان قۇراماسى قارسىلاستار قاقپاسىنا ءۇش شايبا سوققان ەدى.
الدىمەن 3-مينۋتتا نيكيتا ميحايليس مەرگەندىك تانىتسا، ودان كەيىن 9-مينۋتتا انتون نەكرياچ ەسەپتى ۇستەمەلەي ءتۇستى. ال 16-مينۋتتا نيكيتا ميحايليس تاعى ءبىر سوعىلعان شايبانىڭ اۆتورى اتاندى.
ەكىنشى كەزەڭدە سلوۆەنيا قۇراماسى شابۋىلعا كوبىرەك شىقتى. ناتيجەسىندە ولار تاراپىنان ەكى شايبا سوعىلدى. بۇل كەزەڭدە قازاقستان حوككەيشىلەرى قارسىلاستار قاقپاسىنان ساڭىلاۋ تابا المادى.
ءۇشىنشى كەزەڭ ەكى قۇراما تاراپىنان شابۋىلمەن ەرەكشەلەندى. سلوۆەنيا حوككەيشىلەرى قازاقستاندىقتاردىڭ قاقپاسىنىڭ ماڭىندا ءجيى بوي كورسەتىپ جاتتى. دەگەنمەن شايبا سوعىلعان جوق. قازاقستان سلوۆەنيانى 3:2 ەسەبىمەن جەڭدى.
قازاقستان حوككەيشىلەرى ەندى 1- مامىردا ليتۆامەن كەزدەسەدى. ال بۇگىن 30- ساۋىردە وڭتۇستىك كورەيا مەن سلوۆەنيا، بەلارۋس پەن ۆەنگريا قۇرامالارى ءوزارا مىقتىنى انىقتايتىن بولادى.
