عالامتوردا وشپەندىلىك تۋدىراتىندار جازادان قۇتىلماۋى ءتيىس - ق ر تۇڭعىش پرەزيدەنتى
بۇل تۋرالى قازاقستان حالقى اسسامبلەياسىنىڭ XXVII سەسسياسىندا ق ر تۇڭعىش پرەزيدەنتى - ەلباسى، ق ح ا ءتوراعاسى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات ءتىلشىسى.
«ەلەمەي جۇرۋگە بولمايتىن قازىرگى زامانعى جاھاندىق سىن-تەگەۋرىننىڭ تاعى ءبىر ءتۇرى - ول سيفرلىق كوممۋنيكاتسيالاردىڭ دامۋى. ولار ءسوزسىز يگىلىگىنەن بولەك، دەسترۋكتيۆتىك الەۋەتتى دە ىلەستىرىپ جۇرەتىنى انىق. تسيفرلىق كوممۋنيكاتسيالاردىڭ مۇمكىندىكتەرى ەتنيكالىق جانە ءدىني وشپەندىلىك وتىن جاعۋعا، سونداي-اق لاڭكەستىك اكتىلەردى جاساۋعا ءجيى قولدانىلادى»، - دەپ توقتالدى ن. نازاربايەۆ.
تۇڭعىش پرەزيدەنت بۇگىندە تۇتاس جەلىلىك قوعامداستىقتار ەشقانداي شەكارانى بىلمەيتىن قاستىقتىڭ، كسەنوفوبيانىڭ وشاعىنا اينالىپ جاتقانىن اتاپ ءوتتى.
«جەلىدە وزدەرىنىڭ ءوڭى مەن اتى-ءجونىن جاسىرا وتىرىپ، كەيبىر ادامدار قىلمىستارى ءۇشىن جازاسىز قۇتىلامىز دەپ ويلايدى. الايدا ولار جاۋاپكەرشىلىكتەن قۇتىلمادى. مەملەكەتتەر وسىنداي زاڭسىزدىقتارعا قارسى باتىل شەشىمدەردى قابىلداۋى كەرەك»، - دەدى ن. نازاربايەۆ.