الەمدەگى ەڭ باي ادام ايەلىمەن اجىراساتىنىن مالىمدەدى

بۇگىنگى تاڭدا ونىڭ بايلىعى 140 ميلليارد دوللارعا باعالانىپ وتىر. Forbes جۋرنالى Amazon.com-نىڭ جەتەكشىسى جانە الەمدەگى ەڭ باي بيزنەسمەن دجەفف بەزوس (ساراپشىلار ونىڭ تابىسىن $ 139,6 ميللياردقا باعالايدى)، ايەلى ماككەنزي ەكەۋىنىڭ اجىراساتىندىقتارى تۋرالى جازۋدا.

«ءبىز اجىراسساق تا ءومىر توقتاپ قالمايدى. ەرلى-زايىپتىلار سياقتى كەرەمەت ءومىر سۇردىك، بىزدە ءالى كۇنگە بىرىكتىرەتىن ءارتۇرلى جوبالار بار. مىنە، وسىلار ءبىزدىڭ جارقىن بولاشاعىمىزدى قالىپتاستىرادى دەگەن ۇمىتتەمىز. ءبىز ءارقاشاندا ناعىز دوستار بولىپ قالامىز» -  دەپ جاۋاپ بەردى دجەفف جانە Twitter بەتىندەگى پاراقشاسىندا.

80-جىلدارى دجەفف بەزوس پەن ماككەنزي تاتتەل Princeton ۋنيۆەرسيتەتىندە وقىعان. ءبىراق 1992 -جىلى نيۋ-يوركتە ءومىر ءسۇرىپ جاتقان كەزدە عانا ەكەۋى تانىسا الادى. وعان سەبەپ د. ە. ۋولل-ستريتتەگى شوۋ ينۆەستيسيالىق قورىندا جۇمىس ىستەۋى بولعان ەكەن. 1993 -جىلى ولار وتباسىن قۇرادى. 1994 -جىلى سيەتلگە كوشىپ بارعاندا دجەفف Amazon.com ينتەرنەت- ساۋدا كومپانياسىن قۇرۋعا مۇمكىندىك الادى. ولاردىڭ وتباسىندا 3 ۇلى جانە اسىراپ العان قىزى بولاتىن.

دجەفف بەزوس الەمدەگى ەڭ باي ادامدار رەيتينگىندە ءبىرىنشى ورىندى يەلەنىپ وتىر. ماككەنزي بەزوس مەكتەپتەگى قىسىم كورسەتۋگە بايلانىستى ماماندانعان بيستراندار رەۆوليۋتسياسى قورىن باسقارادى. ول سونداي-اق جازۋشى رەتىندە تانىمال، 2006 -جىلى «ليۋتەر ولبرايت تەستىلەۋى» اتتى كىتابى ءۇشىن، سودان كەيىن تاعى «تۇزاقتار» رومانى ءۇشىن امەريكالىق ادەبي سىيلىعىمەن ماراپاتتالدى.

«مەن كىم بولىپ جۇمىس اتقارمادىم: داياشى، ىدىس جۋۋشى، قويماشى، كىتاپحاناشى، كلەرك، بۋحالتەر، كۇتۋشى جانە كيىم ساتۋشى. ءبىراق جازۋ - مەن قالاعان جالعىز نارسە»، - دەپ ماككەنزي ءوزى تۋرالى بايان ەتتى.