ءامىرجان قوسانوۆ مەملەكەتتىك ءتىلدى ەركىن مەڭگەرگەن - كوميسسيا قورىتىندىسى
مۇنداي قورىتىندىنى بۇگىن ق ر ورتالىق سايلاۋ كوميسسياسى جانىنان قۇرىلعان ق ر پرەزيدەنتتىگىنە كانديداتتىڭ مەملەكەتتىك ءتىلدى مەڭگەرۋ دەڭگەيىن انىقتايتىن لينگۆيستيكالىق كوميسسيا شىعاردى، دەپ حابارلايدى قازاقپارات ءتىلشىسى.
«بۇگىن مەملەكەتتىك تىلدەن ەمتيحان تاپسىرۋعا قوسانوۆ ءامىرجان ساعيدراحمان ۇلى كەلدى. وزدەرىڭىز بىلەسىزدەر، ەمتيحان ءۇش كەزەڭنەن وتەدى. جازبا جۇمىسىنىڭ تاقىرىبى «ت م د تاريحى مەن بۇگىنى» بولدى. سودان كەيىن ءماتىن وقۋعا اقىن قادىر مىرزا ءالىنىڭ شىعارمالارىن تاڭداپ الدى. ءۇشىنشى كەزەڭدە «ونەر ءبىلىم بار جۇرتتار» دەگەن تاقىرىپتا ءسوز سويلەدى»، - دەدى كوميسسيا ءتوراعاسى مىرزاتاي جولداسبەكوۆ كانديداتتىڭ ەمتيحان قورىتىندىسىن جاريالاي كەلە.
ونىڭ ايتۋىنشا، پرەزيدەنتتىككە كانديدات ەمتيحاننىڭ بارلىق ءۇش كەزەڭىنەن سۇرىنبەي ءوتتى.
«جازبا جۇمىسىن بيىك دەڭگەيدە جازىپ، تاقىرىپتى تەرەڭ قامتىدى. قادىر مىرزا ءالى باۋىرىمىزدىڭ ولەڭىن ەركىن، ادەمى وقىدى. ءۇشىنشى «ونەر- ءبىلىم بار جۇرتتار» دەگەن تاقىرىپتا دا وتە ادەمى اڭگىمە ءوربىتتى. ءبىز قاناعاتتاندىق. سونىمەن لينگۆيستيكالىق كوميسسياسىنىڭ قورىتىندىسى - قوسانوۆ ءامىرجان ساعيدراحمان ۇلى مەملەكەتتىك ءتىلدى ەركىن مەڭگەرگەن. باسقا پىكىر جوق»، - دەدى م. جولداسبەكوۆ.
ايتا كەتەيىك، ساياساتكەر ءامىرجان قوسانوۆ پرەزيدەنتتىككە كانديدات رەتىندە «ۇلت تاعدىرى» قوزعالىسىنىڭ اتىنان ۇسىنىلعان بولاتىن.
اۆتور: مارلان جيەمباي