اسقار مامين: تۋعان اۋىلدارىن كوركەيتۋ بويىنشا مەتسەناتتارمەن بەلسەندى جۇمىس جۇرگىزۋ كەرەك

«ەلباسى 2018 -جىلى 5 - قازانداعى جولداۋىندا «اۋىل - ەل بەسىگى» جوباسىن جۇزەگە اسىرۋ ارقىلى اۋىلداردىڭ الەۋمەتتىك- ينفراقۇرىلىمدىق الەۋەتىن جاڭعىرتۋ مىندەتىن قويدى. بۇل جوبامەن 2025 -جىلعا دەيىن 6,1 ميلليون تۇرعىنى بار 2 مىڭعا جۋىق ەلدى مەكەن قامتىلادى. اۋىلدىق ەلدى مەكەندەردى جاڭعىرتۋ ماقساتىندا الەۋمەتتىك جانە ينجەنەرلىك ينفراقۇرىلىممەن قامتاماسىز ەتۋدى كوزدەيتىن وڭىرلىك ستاندارتتار ازىرلەنگەن. باسقارمالى ۋربانيزاتسيا - اۋىلداردىڭ جاڭعىرتۋعا جانە تۇرعىنداردىڭ تۇرمىس ساپاسىن ارتتىرۋعا جاعداي جاسايدى. سوندىقتان، جوبالاردى ىسكە اسىرۋ بويىنشا تاسىلدەردى ماقۇلداۋدى ۇسىنامىن. ونى ءتيىمدى ىسكە اسىرۋدى قامتاماسىز ەتۋ قاجەت»، - دەدى اسقار مامين بۇگىنگى ۇكىمەت وتىرىسىندا.

پرەمەر- مينيستر وسىعان وراي مىناداي تاپسىرلامار بارىن اتاپ ءوتتى: بىرىنشىدەن اكىمدەر جەرگىلىكتى بيۋدجەتتەن بىرلەسىپ، قارجىلاندىرۋدى ارتتىرۋ مۇمكىندىگىن قاراستىرۋ كەرەك. سونىمەن قاتار، بيزنەستىڭ الەۋمەتتىك جاۋاپكەرشىلىگى اياسىندا اۋىل ينفراقۇرىلىمىن جاڭعىرتۋعا قاراجات تارتۋ ماسەلەسىن ءىرى كاسىپورىندارمەن بىرلەسىپ، قاراستىرۋ قاجەت.

«تۋعان اۋىلدارىن كوركەيتۋ بويىنشا مەتسەناتتارمەن بەلسەندى جۇمىس جۇرگىزۋ كەرەك. بۇدان باسقا ءاربىر جوبا جانە ءاربىر ءوڭىر بويىنشا جول كارتاسىن جاساۋدى تاپسىرامىن. وندا ىسكە اسىرۋ مەرزىمدەرى مەن جاۋاپتى ادامداردى ناقتى كورسەتىلۋى ءتيىس. الەۋمەتتىك ينفراقۇرىلىم نىساندارىن، مەكتەپتەر، بالاباقشالار، دەنساۋلىق ساقتاۋ مەكەمەلەرىن جوندەۋ، جولداردى جوندەۋ جۇمىستارىن - وسى جىلدىڭ قىركۇيەگىنە دەيىن اياقتاۋ قاجەت»، - دەدى اسقار مامين.

ەسكە سالا كەتسەك، بۇگىنگى ۇكىمەت وتىرىسىندا پرەمەر- ءمينيستردىڭ ورىنباسارى جەڭىس قاسىمبەك «اۋىل - ەل بەسىگى» جوباسىن ىسكە اسىرۋ جۇمىستارى باستالعانىن جاريا ەتىپ، جوبانى جۇزەگە اسىرۋدىڭ تاسىلدەرىن اتاعان بولاتىن.

اۆتور: ايان بەكەن ۇلى