نۇرلان قويانبايەۆ كورەي اكتريسالارىنىڭ قاي جەرىنە قىزىقتى؟
نۇرلان قويانبايەۆ كەزەكتى كينو تۋىندىسىن حالىقارالىق دەڭگەيگە شىعارماق. تانىمال ازىلكەش ءوز فيلمىنە ەندى ايگىلى كورەيالىق اكتريسالاردى تۇسىرۋگە نيەتتى.
بۇل تۋرالى وتاندىق پروديۋسەردىڭ ءوزى instagram پاراقشاسىندا حابارلاعان.
ول الداعى ۋاقىتتاعى جوسپارىمەن ءبولىستى. قويانبايەۆ كەلەسى كينو كارتيناسىندا وزگە ەلدىڭ حاس سۇلۋ اكتريسالارى بوي كورسەتكەنىن قالاپ وتىر.
«شەت ەلدەردە كينو ءتۇسىرۋدىڭ قيىنشىلىقتارى جەتەرلىك، دەگەنمەن ءبىزدىڭ كومپانيانىڭ شەتەلدە كينو ءتۇسىرۋى ءبىر جاعىنان تانىمدىق، ەكىنشى جاعىنان كورەرمەنگە ەرەكشە اسەر سىيلاۋ ماقساتىندا.
سىزدەردىڭ قولداۋلارىڭىز وسىعان دالەل ءارى بولاشاقتا قازاقستانمەن قاتار وزگە ەلدەردە دە كينو ءتۇسىرۋىمىزدى جالعاستىرامىز.
وسىعان وراي، KOLON group ۆيتسە-پرەزيدەندى سان حو شين مىرزامەن كورەيادا كينو ءتۇسىرۋ ماسەلەسىن تالقىلادىق. «ءار ەلدىڭ زاڭى باسقا...» دەمەكشى، وسى جوسپاردى ايقىنداۋ ماقساتىندا كەلىسسوزدەر جۇرگىزۋ ۇستىندەمىز.
ءسىز فيلمدە قاي كورەي اكتريساسىن كورگىڭىز كەلەدى؟ سون حە گە نەمەسە پاك شين حە؟» - دەپ وقىرماندارىنىڭ پىكىرىن سۇرادى قويانبايەۆ.
ءبىرى سون حە گە دەسە، ەندى ءبىرى پاك شين حەنى قولدادى، ال كەيبىرەۋلەر ءبارىبىر قازاقتىڭ سۇلۋلارىنا جەتپەيدى دەپ جاتىر. ءسىزدىڭ ويىڭىزشا بىرنەشە وتاندىق فيلمدەردىڭ اۆتورى ن. قويانبايەۆتىڭ كورەيا قىزدارىن تاڭداۋعا نە سەبەپ بولدى؟ بۇل سۇرانىس قازاقتىڭ كينو الەمىنە باياندار مەن جىبەكتەردەي قازاق قىزدارىنىڭ جەتىسپەي جۇرگەنىنىڭ كورىنىسى مە؟