ەلباسى جەكي چاننىڭ الەمدىك كينەماتوگرافياداعى ماڭىزدى ءرولىن اتاپ ءوتتى

بەيجىڭ. قازاقپارات - ەلباسى نۇرسۇلتان نازاربايەۆ قىتايدا بەلگىلى اكتەر جەكي چانمەن كەزدەستى، دەپ حابارلادى ق ر تۇڭعىش پرەزيدەنتىنىڭ باسپا ءسوز قىزمەتىنەن.

كەزدەسۋگە، سونداي-اق ايگىلى قىتاي اكتەرىنىڭ ارىپتەستەرى مەن شىعارماشىلىق ۇجىمىنىڭ مۇشەلەرى قاتىستى.

اڭگىمەلەسۋ بارىسىندا نۇرسۇلتان نازاربايەۆ جەكي چاننىڭ الەمدىك كينەماتوگرافياداعى ماڭىزدى ءرولىن اتاپ ءوتتى.

«وزىڭىزدەي تانىمال تۇلعامەن جۇزدەسكەنىمە قۋانىشتىمىن. ءسىزدى بۇكىل الەم بىلەدى»، - دەدى ەلباسى.

قىتاي اكتەرى الداعى شىعارماشىلىق جوسپارى جانە كينويندۋستريا سالاسىنداعى بىرلەسكەن جوبالاردى جۇزەگە اسىرۋ جولدارى تۋرالى وي ءبولىستى.