جۋرناليستەر ءبىر كۇن ىشىندە اسكەري داعدىلاردى ۇيرەندى
بەلسەندى جانە سالاۋاتتى ءومىر سالتىن، اسكەري-قولدانبالى سپورت تۇرلەرىن دارىپتەۋ جانە ب ا ق وكىلدەرىمەن ءوزارا ءىس- قيمىلدى ءارى قاراي ساپالى نىعايتۋ باسپا ءسوز تۋرىنىڭ نەگىزگى ماقساتى بولعان.
«جۋرناليستەر ءۇشىن ءۇش كەزەڭدى اسكەري-سپورتتىق ويىن ۇيىمداستىرىلدى. ولار جەكە قورعانىس قۇرالدارىن كيۋ، كەدەرگىلەر جولاعىنان ءوتۋ، وقۋ گراناتالارىن لاقتىرۋ، سونداي-اق قارۋمەن نىسانا كوزدەۋ باق سىناستى»، دەلىنگەن حابارلامادا.
اسكەري-سپورتتىق ويىنعا 9 قۇراما كوماندا قاتىستى. ولاردىڭ ءارقايسىسىنا 4 جۋرناليست پەن اسكەري ينستيتۋتتىڭ 1 كۋرسانتى كىردى.
سايىس ناتيجەلەرى بويىنشا «حابار» جانە «ەۋرازيا» تەلەارنالارىنىڭ قۇراما كومانداسى ءبىرىنشى ورىندى، «قازسپورت» تەلەارناسىنىڭ كومانداسى ەكىنشى ورىندى جانە «ۇلان» گازەتىنىڭ كومانداسى ءۇشىنشى ورىندى ەنشىلەدى. باسپا ءسوز تۋرىنا قاتىسۋشىلار گراموتالارمەن جانە سىيلىقتارمەن ماراپاتتالدى.
