قاسىم-جومارت توقايەۆ «اباي- شاكارىم» ماۆزولەي كەشەنىنە باردى
جيدەباي. قازاقپارات - مەملەكەت باسشىسى قاسىم-جومارت توقايەۆ شىعىس قازاقستان وبلىسىنىڭ اباي اۋدانى جيدەباي اۋىلىنداعى ابايدىڭ مۇراجاي-ۇيىنە جانە «اباي-شاكارىم» ماۆزولەي كەشەنىنە باردى، دەپ حابارلايدى قازاقپارات ق ر پرەزيدەنتىنىڭ باسپا ءسوز حاتشىسى بەرىك ۋاليگە سىلتەمە جاساپ.
«قازاقستان پرەزيدەنتى قازاقتىڭ ۇلى ويشىلدارى اباي مەن شاكارىمنىڭ رۋحىنا تاعزىم ەتۋ ءۇشىن جيدەباي جەرىنە ارنايى كەلگەنىن اتاپ ءوتىپ، اباي مەكەن ەتكەن جيدەباي قىستاۋى - ەل رۋحانياتى ءۇشىن ايرىقشا ماڭىزى بار قاستەرلى ورىنداردىڭ ءبىرى ەكەنىن ايتتى.
قاسىم-جومارت توقايەۆ ۇلتىمىزدىڭ ءبىرتاۋار پەرزەنتتەرى اباي مەن شاكارىمنىڭ رۋحىنا ارناپ قۇرباندىق شالىپ، قۇران باعىشتادى»، - دەپ جازدى بەرىك ءۋالي فەيسبۋكتەگى پاراقشاسىندا.
