ىشكى ىستەر مينيسترلىگى ءبىرىنشى شىلدەدەن باستاپ جۇرگىزۋشى كۋالىگىن بەرمەيدى
بۇل ءبولىمنىڭ قىزمەتتەرى ارنايى حالىققا قىزمەت كورسەتۋ ورتالىقتارى مەن «ازاماتتارعا ارنالعان ۇكىمەت» مەملەكەتتىك كورپوراتسياسىنا بەرىلەدى دەپ حابارلايدى Sputnik قازاقستان.
ەندى 1- شىلدەدەن باستاپ جۇرگىزۋشى كۋالىگىن العىسى كەلەتىندەردەن تەوريالىق، پراكتيكالىق سىناقتاردى حالىققا قىزمەت كورسەتۋ ورتالىقتارىنىڭ ماماندارى قابىلدايتىن بولادى.
كولىك قۇرالدارىن تىركەۋگە قاجەتتى قۇجاتتاردىڭ بار-جوعى تۋرالى اقپاراتتى پوليتسەي سالىقتىق، كەدەندىك جانە باسقا بيلىك ورگاندارىنىڭ دەرەكتەر بازاسىنان قاشىقتان تەكسەرەدى.
ياعني جۇرگىزۋشى كۋالىكتەرىن بەرۋ جانە كولىك قۇرالدارىن تىركەۋ كەزىندە پوليتسيا ازاماتتارمەن دە، مەملەكەتتىك كورپوراتسيا قىزمەتكەرلەرىمەن دە بايلانىسا المايدى»، - دەپ اتاپ ءوتتى ۆەدومستۆودان.
ايتا كەتەيىك، قۇجاتتاردى تەكسەرۋ ءۇشىن وتىنىمدەردى ءبولۋ پوليتسيا قىزمەتكەرلەرى اراسىندا اۆتوماتتى تۇردە جۇرگىزىلەدى. بۇل ادام فاكتورىن جويادى.
ال ارنايى ح ق ك و جوق قالالاردا تىركەۋ-ەمتيحان ءبولىمىنىڭ مىندەتىن قاراپايىم ح ق ك و- لار اتقاراتىن بولادى.