جاستار جىلىنا وراي لوندون - نۇر- سۇلتان حالىقارالىق ۆەلوشەرۋى وتەدى
«ۆەلوشەرۋگە 6 ادام قاتىسادى، ولار 7 مەملەكەتتىڭ اۋماعىن باسىپ ءوتۋى جانە 5830 شاقىرىمدى ەڭسەرۋلەرى كەرەك. ۆەلوسيپەدشىلەر شاتىردا تۇنەپ، دالا جاعدايىندا تاماقتانىپ، سونداي-اق كۇندەلىكتى ساپار بارىسىن فوتو جانە بەينەجازبالار ارقىلى ءبولىسىپ وتىرۋى ءتيىس. ودان بولەك، ۆەلوشەرۋ ونلاين تارتىبىندە كورسەتىلەتىن بولادى»، - دەپ حابارلايدى قازاق گەوگرافيالىق قوعامىنىڭ باسپا ءسوز قىزمەتى.
حالىقارالىق شارانىڭ ماقساتى - قازاقستاننىڭ اتىن الەمگە ودان ءارى تانىتۋ، تۋريزمنىڭ قارقىندى دامۋىنا سەپ بولۋ جانە كوپشىلىككە سپورت پەن سالاۋاتتى ءومىر سالتىن دارىپتەۋ. سونىمەن قاتار، قازاقستانداعى جاستار جىلىنا ارنالىپ ۇيىمداستىرىلۋدا.
«تاياۋدا ۆەلوشەرۋ قاتىسۋشىلارى تانىستىرىلاتىن بولادى. ولاردىڭ قالاي دايىندالعاندىقتارىن، الداعى ءتۇرلى سىناقتارعا قالاي توتەپ بەرەتىنىن بىلەتىن بولامىز. ۆەلوشەرۋگە قاتىستى جاڭالىقتاردى قازاق گەوگرافيالىق قوعامىنىڭ الەۋمەتتىك جەلىلەرىنەن بىلۋگە بولادى»، - دەلىنگەن حابارلامادا.
ۆەلوجارىستى قازاقستان حالقى بىرلىگى كۇنىنە وراي الداعى 29- ءساۋىر كۇنى لوندوننان ( ۇلى بريتانيا) باستاپ، 6- شىلدە قالا كۇنىنەن وراي نۇر-سۇلتاندا اياقتاۋ جوسپارلانۋدا.