ەلوردالىقتار ءوز ەسىمدەرى جازىلعان كوشە ورىندىقتارىن ورناتىپ جاتىر
سارىارقا اۋدانى اكىمدىگىنىڭ Facebook تەگى رەسمي پاراقشاسىندا حابارلانعانداي، نۇر- سۇلتاندا يەسى جازىلعان ورىندىقتاردى ورناتۋ جوباسى ءالى دە جالعاسادى.
«قالانىڭ كەز كەلگەن تۇرعىنى نەمەسە ۇيىمى اتاۋلى تاقتايشاسى بار دەمالۋعا ارنالعان ورىندىقتى ورناتۋ مۇمكىندىگىنە يە. سارىارقا اۋدانىنىڭ اكىمدىگى سىزدەرگە جاعاجاي، ساياباقتار جانە اۋدان كوشەلەرىنەن ورىن ۇسىنا الادى» ، - دەلىنگەن حابارلامادا.
جوبا كۋراتورى، سارىارقا اۋدانى اكىمى اپپاراتىنىڭ كوممۋنالدىق شارۋاشىلىق ءبولىمىنىڭ باسشىسى جاسۇلان باعيسوۆ اتاپ وتكەندەي، بۇگىندە اۋدان اۋماعىندا سەگىز مىڭعا جۋىق اتاۋلى ورىندىق بار. ولاردى ۇيىمدار مەن جەكە تۇلعالار ورناتقان. مۇنداي وتىرعىشتاردى بىرەۋلەر - قالاعا، تاعى بىرەۋلەر دوسىنىڭ تۋعان كۇنىنە سىيلاۋدا. وسىنداي ادىسپەن عاشىقتىق سەزىمىن ءبىلدىرىپ جاتقاندار دا بار ەكەن.