قوستانايدا لاتىن ءالىپبيى كابينەتى اشىلدى
بۇگىن «ءتىلدارىن» وبلىستىق تىلدەردى وقىتۋ ورتالىعىندا لاتىن الىپبيىنە نەگىزدەلگەن قازاق ءتىلىن وقىتۋ كابينەتى اشىلدى. وبلىستىق تىلدەردى دامىتۋ باسقارماسىنىڭ باسشىسى گۇلجان مەڭدەكينوۆا لاتىن الىپبيىنە كوشۋ جوباسى بويىنشا 2017 -جىلدان باستاپ 6 مىڭنان استام ءىس- شارا وتكىزىلگەنىن جەتكىزدى.
«اقپاراتتىق- ءتۇسىندىرۋ توبى 500 مىڭنان استامدى قامتىدى. 2018 -جىلى وسىناۋ جوبانى ىسكە اسىرۋعا 19 ميلليون تەڭگەدەن استام قاراجات جۇمسالعان. سونىڭ ىشىندە عىلىمي كونفەرەنسيالار، اشىق ساباقتار، سەمينارلار بار. وتكەن جىلعى ۇلتتىق كوميسسيا ماقۇلداعان قازاق ءتىلىنىڭ لاتىنعا نەگىزدەلگەن ەملە- ەرەجەسىن ءوڭىر تۇرعىندارىنا وقىتىپ- ۇيرەتۋ ماقساتىندا بيىل 22 ميلليون تەڭگە ءبولىنىپ وتىر» ، - دەدى باسقارما باسشىسى.
ايتا كەتەيىك، وسى جىلى وبلىس اكىمى ارحيمەد مۇحامبەتوۆتىڭ قولداۋىمەن ايماق بيۋدجەتىنەن ورتالىقتىڭ ماتەريالدىق- تەحنيكالىق بازاسىن نىعايتۋعا جانە جاڭا كابينەت جابدىقتاۋعا 7 ميلليون تەڭگە قاراجات ءبولىندى. ەندى بۇل كابينەتتە قىسقا مەرزىمدى كۋرستار وقىتۋ جوسپارلانعان. ادىسكەر- وقىتۋشىلار 24 ساعاتتىق قىسقا مەرزىمدى وقىتۋ باعدارلاماسىن ازىرلەگەن.