وسكەمەندە قار جاۋىپ، مەكتەپتەردە ساباق توقتاتىلدى

وسكەمەن. قازاقپارات - وسكەمەن مەن سەمەيدە اۋا رايىنا بايلانىستى 1-9 - سىنىپ وقۋشىلارى ءۇشىن ساباق توتاتىلدى، دەپ حابارلايدى قازاقپارات ءتىلشىسى.

وبلىستىق توتەنشە جاعدايلار دەپارتامەنتىنىڭ حابارلاۋىنشا، قوس قالاداعى مەكتەپتەردىڭ ءبىرىنشى اۋىسىمىنداعى 1-9 - سىنىپ وقۋشىلارى ساباقتان بوساتىلعان.

مۇنداي اقپاراتتى دەپارتامەنت ءبىلىم باسقارماسىنا سىلتەمەي جاساي وتىرىپ تاراتتى.

قازىر وسكەمەن قالاسىندا قاردىڭ سوڭى اق- تۇتەك بورانعا ۇلاستى. ءبىر كۇن بۇرىن عانا «قازگيدرومەت» مەكەمەسى 18 - ءساۋىر كۇنى وڭىردە قار جاۋىپ، تۇمان ءتۇسىپ، كەي جەرلەردە جەلدىڭ جىلدامدىعى 15-20 م\س بولاتىنىن ەسكەرتكەن بولاتىن.

اۆتور: ەسىمجان ناقتىباي