رەسەي «بايتەرەك» زىمىران كەشەنىن قۇراستىرۋعا كىرىستى
«2018-جىلى رەسەيلىك تاراپ «زەنيت م» عارىشتىق زىمىران كەشەنىن قازاقستانعا تاپسىردى. قازىر ونى ەكسپلۋاتاتسيالاۋ ماسەلەسىمەن رەسەي مەن قازاقستاننىڭ بىرلەسكەن «بايتەرەك» كاسىپورنى اينالىسۋدا. رەسەي تارابى ورتاق كەشەننىڭ قۇرىلىسى بويىنشا ءوز مىندەتتەمەلەرىن اتقارۋعا كىرىسىپ كەتتى. ءبىز «سويۋز 5» زىمىرانىن قۇراستىرۋدى باستادىق. ءبىزدىڭ تاراپ ءۇشىن «بايتەرەكتىڭ» قۇراستىرىلۋى ماڭىزدى. سەبەبى سىناقتىق جانە ودان ارعى ماڭىزدى ۇشىرىلىمدار ءۇشىن «سويۋز 5» - ءتى ناقتى سول كەشەننەن ۇشىرۋدى جوسپارلاپ وتىرمىز»، - دەدى «روسكوسموس» كورپوراتسياسىنىڭ قازاقستانداعى وكىلدىگىنىڭ باسشىسى اناتولي كراسنيكوۆ ەلوردادا وتكەن بريفينگتە.
ونىڭ ايتۋىنشا، كەشەننىڭ قۇرىلىسىنا قازاقستاننىڭ كوپتەگەن كاسىپورىندارى جۇمىلدىرىپ، جاڭا جۇمىس ورىندارى اشىلادى، جاڭا جوعارى بىلىكتى ماماندار دايارلانىپ شىعادى.
«بىزدىڭشە، بۇل قازاقستاننىڭ جوعارى تەحنولوگيالى سالالارىنا، جالپى ەلگە يگى اسەرىن تيگىزەدى»، - دەيدى ول.
بۇدان بولەك ا. كراسنيكوۆ رەسەيدىڭ عارىش ونەركاسىبى كاسىپورىندارى قازاقستاننىڭ عارىشتىق بايلانىس جۇيەلەرىن سالۋعا دا قاتىسقانىن تىلگە تيەك ەتتى.