ەكس-پرەزيدەنت ءوزىن-ءوزى ءولتىردى

نۇر-سۇلتان. قازاقپارات - پەرۋدىڭ بۇرىنعى پرەزيدەنتى (1985-, 2006-2011) الان گارسيا سىبايلاس جەمقورلىق ءىسى بويىنشا سوت شەشىمىمەن ۇستاۋ كەزىندە ءوز-وزىنە قول جۇمساپ، ليما اۋرۋحاناسىندا كوز جۇمدى، دەپ حابارلادى سارسەنبى كۇنى TeleSUR تەلەارناسى.

سوت گارسيانى ون كۇنگە قاماۋ تۋرالى شەشىم شىعارعان. پروكۋراتۋرا قىزمەتكەرلەرى ليما اۋداندارىنىڭ بىرىندەگى ۇيىندە ەكس-پرەزيدەنتكە وردەر كورسەتكەن كەزدە ول ءوزىن-ءوزى ولتىرگەن.

وتكەن جىلدىڭ قاراشاسىندا سوت گارسيانىڭ ەلدى 18 ايعا دەيىن تاستاپ شىعۋىنا تىيىم سالعان بولاتىن.

تەرگەۋشىلەردىڭ پىكىرىنشە، ساياساتكەر Odebrecht كومپانياسىنا ءتيىمدى كەلىسىمشارت جاسالۋى ءۇشىن 100 مىڭ دوللار العان بولۋى مۇمكىن.

بۇرىنعى مەملەكەت باسشىسى ءوز كىناسىن مويىنداعان جوق.

2018-جىلى 17- قاراشادان 3- جەلتوقسانعا دەيىن ول ۋرۋگۆاي ەلشىلىگىندە بوي تاسالاپ جۇرگەن. ءبىراق وعان پانا بەرۋدەن باس تارتىلعاننان كەيىن رەزيدەنتسيادان كەتۋگە تۋرا كەلدى.