قازاقستاندا وتەتىن بيزنەس-فورۋمعا كورەيا پرەزيدەنتى قاتىسادى

نۇر-سۇلتان. قازاقپارات - ەلوردادا كورەيا رەسپۋبليكاسىنىڭ پرەزيدەنتى مۋن چجە يننىڭ قازاقستانعا رەسمي ساپارى اياسىندا قازاقستان-كورەيا بيزنەس-فورۋمى وتەدى، دەپ حابارلايدى قازاقپارات «اتامەكەن» ۇلتتىق كاسىپكەرلىك پالاتاسىنىڭ قوعاممەن بايلانىس دەپارتامەنتىنە سىلتەمە جاساپ.

دەپارتامەنت تاراتقان مالىمەتتەرگە قاراعاندا، فورۋم جۇمىسىنا ۇلتتىق كومپانيالار، ەكونوميكانىڭ ءتۇرلى سەكتورىنداعى قازاقستاندىق جانە كورەيالىق ءىرى بيزنەس وكىلدەرى قاتىسادى دەپ كۇتىلۋدە.

«كورەيا بيزنەس-ورتاسىنىڭ قىزىعۋشىلىعىن ەسەپكە الا وتىرىپ، بۇل ءىس-شارا قازاقستان رەسپۋبليكاسىنىڭ ەكسپورتتىق الەۋەتىن ارتتىرۋ، ەكى ەل اراسىنداعى كاسىپكەرلەردىڭ تاجىريبە الماسۋى، ىسكەرلىك بايلانىستى كەڭەيتۋ، سونداي-اق، ەكونوميكانىڭ ءتۇرلى سالالارىندا ەكىجاقتى ىنتىماقتاستىقتى دامىتۋعا ارنالعان پلاتفورماعا اينالدىرۋ جوسپارلانىپ وتىر»، - دەلىنگەن حابارلامادا.