قازاقستاندىق ەكسپورتتاۋشىلار قىتاي نارىعىن زەردەلەپ قايتتى
«وتاندىق ونىمدەردى ق ح ر نارىعىندا ىلگەرىلەتۋ ماقساتىندا قازاقستاننىڭ شاڭحاي قالاسىنداعى باس كونسۋلدىعى «Silk Road» ەكسپورتتىق ورتالىعى، «قازاقستان اۋىلشارۋاشىلىق ونىمدەرىن ەكسپورتتاۋشىلارىنىڭ قاۋىمداستىعى» جانە «پيونەر» ج ش س، «لەپسى بالى» ج ش س، «ق ر اوك» ج ش س سياقتى بىرنەشە قازاقستاندىق كومپانيا وكىلدەرىنىڭ قىتايعا جۇمىس ساپارىن ۇيىمداستىردى. ونىڭ ماقساتى قازاقستاندىق وندىرۋشىلەر مەن قىتايلىق ارىپتەستەر اراسىنداعى ءوزارا ءىس- قيمىلدىڭ الگوريتمىن ازىرلەۋ بولدى»، - دەدى ۆەدومستۆودان.
ساۋدا- ونەركاسىپ پالاتاسىمەن، سەرتيفيكاتسيا ورتالىعىمەن، «بايلان» كومپانياسىمەن، ەركىن ساۋدا ايماعىمەن جانە ر ف- نىڭ شاڭحاي قالاسىنداعى ساۋدا ورتالىعىمەن كەزدەسۋلەر ۇيىمداستىرىلعان.
«كەزدەسۋلەر بارىسىندا قازاقستاندىق كاسىپكەرلەر ونىمدەرگە حيميالىق جانە باكتەريولوگيالىق اناليزدەردى جۇرگىزۋ تالاپتارىن جانە ارنايى رۇقسات قۇجاتتاماسىن راسىمدەۋ ەرەجەلەرىن زەردەلەۋگە مۇمكىندىك بەرگەن يمپورتتىق ونىمدەردى تالداۋ ورتالىعىنا بارىپ، يمپورتتىق ونىمدەردى سەرتيفيكاتتاۋ جانە ستاندارتتاۋ راسىمدەرىمەن تانىستى. سونىمەن قاتار، قازاقستان دەلەگاتسياسى حاڭجوۋ، يۆۋ جانە فۋجوۋ قالالارىنا بارىپ، وسى قالالاردىڭ جەرگىلىكتى ىسكەرلىك توبىمەن كەزدەستى جانە ولاردى دايىن قازاقستاندىق اۋىلشارۋاشىلىعى ونىمدەرىمەن تانىستىردى»، - دەلىنگەن اقپاراتتا.
تاۋارلاردى نارىقتا ىلگەرىلەتۋدىڭ قىتايلىق جۇيەسىمەن تانىسۋ ءۇشىن حاڭجوۋ قالاسىنىڭ «گۋوجان» مامانداندىرىلعان حولدينگىنە جۇمىس ساپارى ۇيىمداستىرىلدى. حولدينگ حالىق تۇتىناتىن تاۋارلاردىڭ جالپى جارناماسىمەن، ديزاينىمەن جانە ولاردى قاپتاۋمەن اينالىسادى. حولدينگ باسشىلىعى قازاقستاندىق تاۋارلاردى ق ح ر نارىعىنا شىعارۋ ءۇشىن بىرلەسكەن جەكە باعىتتى اشۋدى جانە كونسالتينگتىك جانە زاڭگەرلىك قىزمەتتەر كورسەتۋدى ۇسىندى.
سونىمەن قاتار، يۋ قالاسى اكىمىنىڭ مىندەتىن اتقارۋشى ورىنباسارىمەن كەزدەسۋ ۇيىمداستىرىلدى. ونىڭ بارىسىندا قالا باسشىلىعى قازاقستاندىق وندىرۋشىلەردى قولداۋ نيەتىن ءبىلدىرىپ، قاجەت بولعان جاعدايدا، ۇلكەن ارتىلىقشىلىقتارىمەن ساۋدا الاڭدارىن ءبولۋدى ۇسىندى. قازاقستاندىق وندىرۋشىلەرگە 2019 -جىلى 23-26 - مامىر ارالىعىندا يۋ قالاسىندا وتەتىن «شەتەلدىك تاۋارلاردىڭ حالىقارالىق جارمەڭكەسىنە» قاتىسۋعا شاقىردى.
كەزدەسۋلەردىڭ ناتيجەسىندە، قازاقستاندىق ونىمدەردى ق ح ر نارىعىندا بەلسەندى ىلگەرىلەتۋ ءۇشىن قىتاي تاراپى شاڭحايدا «Silk Road» ەكسپورتتىق ورتالىعىنىڭ وكىلدىگىن اشۋدى ۇسىندى. بۇل ورتالىق قازاقستاندىق وندىرۋشىلەردىڭ ونىمدەرىن ق ح ر- نىڭ اۋماعىندا ىلگەرىلەتۋگە جانە سەرتيفيكاتتاۋ جانە ستاندارتتاۋ راسىمدەرىن وتۋدە كومەكتەسەتىن بولادى، ال بۇل ءوز كەزەگىندە وتاندىق وندىرۋشىلەرگە قىتايلىق ارىپتەستەرمەن تۇراقتى تىكەلەي بايلانىستار ورناتۋعا مۇمكىندىك بەرەدى.
