09:31, 15 - ءساۋىر 2019 | GMT +6
وزبەكستان پرەزيدەنتىنىڭ فەيسبۋكتەگى پاراقشاسىندا قاسىم-جومارت توقايەۆتىڭ ساپارى بەينەلەنگەن ۆيدەو جاريالاندى
تاشكەنت. قازاقپارات - وزبەكستان پرەزيدەنتى شاۆكات ميرزيەيەۆتىڭ فەيسبۋكتەگى رەسمي پاراقشاسىندا قاسىم-جومارت توقايەۆتىڭ تاشكەنتكە مەملەكەتتىك ساپارمەن كەلۋ ءساتى تاسپالانعان ۆيدەو جاريالاندى، دەپ حابارلايدى قازاقپارات.
«وزبەكستان پرەزيدەنتى شاۆكات ميرزيەيەۆتىڭ شاقىرۋىمەن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ 14- ساۋىردە مەملەكەتتىك ساپارمەن ءبىزدىڭ ەلىمىزگە كەلدى» دەلىنگەن حابارلامادا.
جەكسەنبى كۇنى قازاقستان پرەزيدەنتىنىڭ ۇشاعى ي. كارىموۆ اتىنداعى تاشكەنت حالىقارالىق اۋەجايىنا قوندى.
ساپار بارىسىندا ەكى ەلدىڭ پرەزيدەنتتەرى ساۋدا-ەكونوميكالىق، الەۋمەتتىك-گۋمانيتارلىق جانە كولىكتىك-ترانزيتتىك ىنتىماقتاستىقتىڭ ەكىجاقتى ءوزارا ءىس-قيمىلىنىڭ وزەكتى ماسەلەلەرىن، سونىمەن قاتار وڭىرلىك جانە حالىقارالىق كۇنتارتىپتىڭ باستى تاقىرىپتارىن جان-جاقتى تالقىلادى.
مۇنان بولەك، قاسىم-جومارت توقايەۆ پەن شاۆكات ميرزيەيەۆ وزبەكستانداعى قازاقستان جىلىنىڭ رەسمي اشىلۋ سالتاناتىنا قاتىسادى.
