شاۆكات ميرزيەيەۆپەن بارلىق ماسەلەدە كوزقاراسىمىز ورتاق - قاسىم- جومارت توقايەۆ

None
None
 تاشكەنت. ءوزا- قازاقپارات - وزبەكستاننىڭ « ءوزا» ۇلتتىق اقپارات اگەنتتىگىنە سۇحبات بەرگەن ق ر پرەزيدەنتى قاسىم- جومارت توقايەۆ وزبەك باسشىسى شاۆكات ميرزيەيەۆپەن بارلىق ماسەلەدە كوزقاراسى ورتاق ەكەنىن جەتكىزدى، دەپ حابارلايدى قازاقپارات.

«شاۆكات ميرومون ۇلى - قازاقستان پرەزيدەنتى لاۋازىمىنا كىرىسكەن كەزىمدە ءبىرىنشى بولىپ قۇتتىقتاعان مەملەكەت باسشىلارىنىڭ ءبىرى. جىلى سوزدەرى ءۇشىن شىنايى ريزاشىلىعىمدى بىلدىرەمىن. وزبەك كوشباسشىسىنىڭ ەلباسىمىزدىڭ اتىنا ايتىلعان ىزگى تىلەگى دە - ءبىزدىڭ ەلگە دەگەن شەكسىز قۇرمەتىنىڭ دالەلى دەپ سانايمىن. پرەزيدەنت شاۆكات ميرزيەيەۆ وزبەكستاندا اۋقىمدى وزگەرىستەردى جۇزەگە اسىرۋ جانە ەلدەرىڭىزدى زاماناۋي، حالىقارالىق ارەنادا باسەكەگە قابىلەتتى مەملەكەتكە اينالدىرۋدا تاريحي ميسسيانى ءوز موينىنا الىپ وتىر» ، - دەدى قاسىم- جومارت توقايەۆ.

 ق ر پرەزيدەنتى شاۆكات ميرومون ۇلىنىڭ مەملەكەتتىك باسقارۋ جۇيەسىن بىرتىندەپ جەتىلدىرۋ، ەكونوميكا مەن قارجى سەكتورىن ىرىقتاندىرۋ، وزبەك حالقى ءومىرىنىڭ بارلىق سالاسىن جاڭعىرتۋ باعىتىنان بۇلجىماۋى ناعىز قىزىعۋشىلىق پەن شىنايى قۇرمەت تۋعىزاتىنىن باسا ايتتى.

 «شاۆكات ميرومون ۇلى ءوزىنىڭ بۇكىل كۇش- جىگەرىن، ءبىلىمى مەن تاجىريبەسىن العا قويعان ماقساتتارعا قول جەتكىزۋگە ارنايتىندىعىنا كەزدەسۋ بارىسىندا كوز جەتكىزدىم. 2017 -جىلى قازاقستان پارلامەنتى سەناتىنىڭ دەلەگاتسياسىن باسقارىپ، تاشكەنتكە ساپارمەن كەلگەنىمدە ايتارلىقتاي تولىققاندى اڭگىمەلەسۋ بولدى. جەكە ءوز باسىم وزبەكستان باسشىسىنىڭ ەلدى دامىتۋدىڭ بارلىق نەگىزگى باعىتتارىنداعى ستراتەگيالىق تاسىلدەرىن، وڭىردەگى جانە الەمدەگى احۋالدى تەرەڭ تۇسىنە ءبىلۋىن قادىر تۇتامىن. ونىمەن ەكىجاقتى دامۋدىڭ بارلىق ماسەلەلەرىندە كوزقاراسىمىز ورتاق. بۇل وتە ماڭىزدى. ءبىزدىڭ ارامىزدا ورىن العان سەنىمدى ءارى تۇراقتى بايلانىستار باۋىرلاس قازاق- وزبەك قارىم- قاتىناسىن ودان ارى تەرەڭدەتە تۇسەتىنىنە سەنىمىم مول» ، - دەدى مەملەكەت باسشىسى.

سوڭعى جاڭالىقتار