الەمنىڭ ءارتۇرلى ادەبى

None
None
 استانا. قازاقپارات - وزگە ەلدىڭ سالت- جورالعىسى بىزگە تىم قىزىق كورىنەدى. ال بىزدەگى كۇيەۋ جىگىتتىڭ اياق كيىمىن تىعىپ قويۋ سياقتى سالتتار شەتەلگە جات.

الەمدە مۇنداي ءداستۇردىڭ ءتۇر- ءتۇرى بار. ولاي بولسا، مىنا ءداستۇر- جورالعىلارمەن تانىسىپ، تاڭعالىڭىز.

 جاپونيا

عاشىقتار اعاشتارعا ەسىمىن جازاتىنىن وسىعان دەيىن بىلگەن بولارسىزدار، ءتىپتى كورگەن دە شىعارسىزدار. جاپونيادا مۇنداي «ترەند» داستۇردە بار. قىز بەن جىگىت اعاشقا قولشاتىردىڭ سۋرەتىن سالىپ، استىنا ەسىمدەرىن جازادى ەكەن. مۇنى ەجەلگى جاپون داستۇرىمەن بىلاي تۇسىندىرەدى: قىز بەن جىگىت قوعامدىق جەرلەردە قول ۇستاسىپ جۇرمەۋى كەرەك. تەك جاۋىن كۇنى قولشاتىردىڭ استىندا عانا ەكەۋى بىرگە جۇرۋگە مۇمكىندىك بار. سودان كەيىن جاپونيادا «قولشاتىر استىندا بىرگە ءجۇرۋ» دەگەن تىركەستى سويلەم رومانتيكا ۇعىمىنا ەنگەن.

شوتلانديا

 شوتلانديادا جاڭا جىل مەيرامى قارساڭىندا وتباسى مۇشەلەرى پەش الدىندا وتقا قاراپ وتىرىپ، ساعات ءتىلىنىڭ ون ەكىنى سوعۋىن بىرگە كۇتەدى. ساعات ءتىلى ون ەكىگە تاياعاندا شاڭىراق يەسى - وتاعاسى ورنىنان تۇرىپ، ەسىكتى اشىپ قويادى. قوڭىراۋ سوعىلعاننان كەيىن ەسىكتى جاۋىپ قويادى. بۇل ءداستۇردى ەسكى جىلدى شىعارىپ سالۋ دەپ تۇسىندىرەدى.

 بولگاريا

 بۇل ەلدە سۇيىكتىسىنە سەزىمىن بىلدىرگىسى كەلگەن جاس جىگىت قىزعا الما لاقتىرادى. قىز قاعىپ الماي قالسا، نە بولارى قىزىق.

كانادا

كانادادا تۋعان كۇن تويلاۋ قورقىنىشتى كورىنەدى. تۋعان كۇن يەسىنە دوستارى نە جاقىندارى توسىن سىي دايىنداپ قويادى. توسىن سىي - سىيلىق ەمەس، قۇيتىرقى ىستەر. وعان قوسا، مۇرنىنا ماي جاعىپ قويادى، بۇل سەنىم بۇكىل ساتسىزدىكتەر سول مايمەن تايعاناپ كەتسىن دەگەندى بىلدىرەدى.

گەرمانيا

 كۇيەۋ جىگىت قىزعا ۇيلەنۋگە ۇسىنىس جاساعاننان كەيىن قالانىڭ باسپالداقتارىن سىپىرتقىمەن تازالايدى. ال قالىڭدىق سىپىرىلعان جەردى قاراپ شىعادى. مۇنداعى ماقسات - ەر ادامنىڭ تۇرمىستا ءىس جاساي المايتىنىن كورسەتۋ. باسپالداقتاردى شالا تازالاعانىن كورىپ، ءۇي تىرلىگىن كەلىننىڭ ءوزى ءبىتىرۋى كەرەك ەكەنىن نەگىز ەتەدى.

 يرلانديا

 يرلانديادا ءتورت جىل سايىن كەلەتىن اقپاننىڭ 29- جۇلدىزىندا قىزدار سۇيىكتىسىنە ۇسىنىس جاساي الادى. ەگەر كۇيەۋ جىگىت ۇيلەنۋدەن باس تارتسا، ول ايىپپۇل تولەۋى ءتيىس. گەللاپ ۋنيۆەرسيتەتىنىڭ زەرتتەۋى بويىنشا بۇل كۇنى سۇيگەن جىگىتىنە ءسوز سالعان قىزداردىڭ %94- ى ماقساتىنا جەتەدى ەكەن.

 بەلگيا

ءار مەيرام سايىن بەلگيالىق تۇرعىندار جاقىندارىنا اشىق حات جولدايدى. جاقىن ادامىمەن قاتتى ارالاسپاسا دا، مەيرامىمەن قۇتتىقتاپ، اشىقحات جىبەرەدى ەكەن. الەمدە مەيرام سايىن كولەمدى اشىق حات ساتىلاتىن بەلگيادان وزگە ەل جوق شىعار.

Massaget.kz

سوڭعى جاڭالىقتار