الەمدەگى ەڭ قىمبات كارتينا جالعان بولىپ شىعۋى مۇمكىن

 نۇر- سۇلتان. قازاقپارات - ساۋد ارابياسىنىڭ حانزاداسى ساتىپ العان لەوناردو دا ۆينچيدىڭ «الەم قۇتقارۋشىسى» كارتيناسى جالعان بولىپ شىعۋى مۇمكىن.

حانزادا لەوناردو دا ۆينچيدىڭ تانىمال كارتيناسىن ەكى جىل بۇرىن 450 ميلليون دوللارعا ساتىپ العان بولاتىن. ەگەر جالعان ەكەنى راس بولىپ شىقسا، وندا كارتينانىڭ باعاسى 1200 دوللار عانا بولادى. بۇل تۋرالى New York Post جازادى.

«كارتينانىڭ جالعان ەكەنى راس بولسا، وندا ءوز باعاسى 1200 دوللار عانا بولادى» ، - دەدى ونەرتانۋشى عالىم بەن ليۋيس.

ونىڭ ايتۋىنشا، لوندونداعى ۇلتتىق گالەرەيا ساتىلىمعا قاتىسىپ جاتقانداردى ادەيى شاتاستىرعان. ولار ساراپشىلار توبى كارتينانىڭ كوشىرمە كۇيىندە جىبەرىپ وتىرعانىن جاسىرىپ قالعان.

ليۋيس كارتينانىڭ راستىعىن انىقتاۋ كەزىندە باعالاۋشىلاردىڭ پىكىرى ءبىرجاقتى بولماعانىن ايتتى.

«الەم قۇتقارۋشىسى» كارتيناسى 2017 -جىلدىڭ قاراشاسىندا 400 ميلليون دوللارعا ساتىلدى. كوميسسيا، سالىق جانە باسقا دا شىعىنداردى قوسقاندا سوڭعى سوماسى 450,3 ميلليون دوللارعا شىقتى. ونى ساۋد ارابياسىنىڭ حانزاداسى بادەر بين ابدۋللا بين مۇحاممەد بين فارحان ال ساۋد ساتىپ العان بولاتىن.

 BAQ. KZ